इंडस्ट्रीतील बरेच सेलिब्रिटी कपल आपल्या नात्याबाबत उघडपणे बोलणं टाळतात. मात्र अंकिता लोखंडे आणि विकी जैन या सगळ्याला अपवाद आहेत. अंकिता व विकीने हिंदी ‘बिग बॉस’मध्ये सहभाग घेत त्यांच्या नात्याबाबत उघडपणे भाष्य केलं. कित्येकदा तर या शोमध्ये अंकिता व विकी यांच्यामध्ये टोकाची भांडणं झाली. दोघांच्या वादामध्ये विकीच्या कुटुंबानेही काही अंशी अंकिताला जबाबदार ठरवलं. मात्र शोमधून बाहेर आल्यानंतर सगळं काही निवळलं. पण या सगळ्यामध्ये अंकिता विकीवर जीवापाड प्रेम करत असल्याचं सतत दिसून आलं. विकी सहअभिनेत्रीशी किंवा इतर कोणत्याही अभिनेत्रीशी बोलत असेल तर अंकिताला ते पटत नाही. कित्येकदा ते कॅमेऱ्यासमोरही आलं. आता असाच एक व्हिडीओ वेगाने व्हायरल होत आहे. (Vicky Jain Ankita Lokhande viral video)
‘फौजी २’ चित्रपटाशी संबंधीत एका कार्यक्रमात अनेक कलाकारांनी हजेरी लावली होती. यावेळी अंकिता व विकीही या कार्यक्रमात हजर होते. यादरम्यानचाच व्हिडीओ समोर आला आहे. या व्हिडीओमध्ये विकी प्रियांका चोप्राची चुलत बहीण मीरा चोप्राशी बोलत आहे. विकीने मीराचा हात घट्ट पकडला होता. दरम्यान मीराचा हात पकडूनच तो तिच्याशी बोलत होता. हे संपूर्ण दृश्य अंकिता बाजूला उभं राहून पाहत होती.
विकी मीराचा हात पकडतो आणि स्वतःच्या छातीजवळ आणतो. विकी-मीराचं असं वागणं अंकिताला अजिबात पटलं नसल्याचं कॅमेऱ्यामध्ये दिसून आलं. तिच्या चेहऱ्यावरचे हावभावही बदलले. अंकिताला राग आला आणि ती एकटक विकी-मीराकडेच बघत होती. विकीचं बोलणं झाल्यानंतर तो जेव्हा अंकिताकडे आला तेव्हा तिने रागाने पाहिलं. लगेचच अंकिताने “काय करत होतास?” म्हणून विचारलं. विकी स्पष्टीकरणं देणार तितक्यात तू गप्पच बस असं नजरेनच तिने म्हटलं.
अंकिता व विकीचं हे छोटसं भांडण कॅमेऱ्यासमोर आलं. विकीचं वागणं अंकिताला पटलं नाही. यावर नेटकऱ्यांनीही कमेंटद्वारे विविध मतं मांडली आहेत. बायकोला कमी लेखून इतर मुलींना सतत जवळ करतो, बिचारी अंकिताने तिने बहुदा जोडीदाराविषयी वेगळा विचार केला असेल मात्र तिला काही वेगळंच मिळालं, अंकिता नेहमीच जळत असते, अंकिताला नवऱ्यावर खूपच अविश्वास आहे, बिचारा विकी कोणाला सांगूही शकत नाही अशा नेटकऱ्यांनी कमेंट केल्या आहेत. अंकिताबरोबरच अनेकींनी विकीचीही बाजू घेतली.
