Kapil Honrao Social Media Break : मराठी मनोरंजनसृष्टीत आपल्या अभिनयातून प्रेक्षकांचे लक्ष वेधून घेणारा अभिनेता कपिल होनराव सध्या एका वेगळ्या कारणामुळे चर्चेत आला आहे. वाढता स्क्रीन टाईम, सोशल मीडियावरील लाईक्स-कमेंट्सचा ताण आणि सततच्या पोस्टिंगच्या शर्यतीपासून काही काळ दूर राहण्याचा निर्णय कपिलने घेतला आहे. सोशल मीडियावर एक पोस्ट शेअर करत त्याने काही दिवस सोशल मीडियापासून ब्रेक घेत असल्याची माहिती चाहत्यांना दिली.
कपिल होनराव यांनी आपल्या पोस्टमध्ये सोशल मीडिया वापरामुळे निर्माण होणाऱ्या विविध दबावांवर भाष्य केले. “वाढता स्क्रीन टाईम, लाईक्स-कमेंट्सचा ताण, इतरांच्या पोस्ट्स पाहून होणारी तुलना, रोज कमी होणारे फॉलोअर्स पाहून वाटणारं प्रेशर आणि सतत काहीतरी पोस्ट करण्याच्या शर्यतीपासून थोडा वेळ ब्रेक घेऊन स्वतःला रिचार्ज करण्यासाठी हा निर्णय घेतला आहे,” असे त्यांनी म्हटले.
आणखी वाचा – हृता दुर्गुळे आणि सारंग साठ्ये यांच्या ‘आली मोठी शहाणी’ चित्रपटाचा टीझर प्रदर्शित
पुढे त्यांनी असं म्हटलं की, “या ब्रेकच्या काळात अॅक्टिंग क्राफ्ट, पुस्तक वाचन, स्वतःला ग्रूम करणे आणि फिटनेस यावर लक्ष केंद्रित करणार असल्याचेही कपिल यांनी स्पष्ट केले. सोशल मीडियाच्या आभासी जगापेक्षा खऱ्या आयुष्यात शिकण्यासारखे आणि जगण्यासारखे खूप काही आहे”, असेही त्यांनी आपल्या पोस्टमधून अधोरेखित केले.
आणखी वाचा – कीर्तन विश्व उलगडणाऱ्या ‘पाच फुटाच्या बच्चन’चा टीजर समोर, दिसणार तगड्या कलाकारांची फौज
“मी लवकरच परत येईन. Back with a bang,” असे म्हणत कपिल यांनी चाहत्यांना पुन्हा भेटण्याचे संकेत दिले आहेत. त्यांच्या या निर्णयाची सोशल मीडियावर चर्चा होत असून, काही काळ डिजिटल दुनियेपासून दूर राहून स्वतःच्या व्यक्तिमत्त्व विकासावर आणि अभिनयकलेवर लक्ष केंद्रित करण्याचा त्यांचा हा निर्णय लक्षवेधी ठरत आहे.
