‘स्टार प्रवाह’ वाहिनीवरील ‘ठरलं तर मग’ या मालिकेला प्रेक्षक भरभरुन प्रतिसाद देत आहेत. मालिकेत एका मागोमाग एक रंजक वळणे येताना पाहायला मिळत आहेत. ही मालिका काही वर्षांपासून सुरु असून टीआरपीच्या शर्यतीतही अव्वल स्थानावर असलेली पाहायला मिळतेय. या मालिकेच्या कथानकाने प्रेक्षकांना अक्षरशः खुर्चीत खिळवून ठेवले आहे. मालिकेतील सायली व अर्जुनच्या जोडीला तर प्रेक्षक भरभरुन प्रतिसाद देताना दिसतात. तसेच इतर पात्रांनी ही मालिका प्रेक्षकांच्या पसंतीस पडत आहे. मालिकेत सायली हे पात्र अभिनेत्री जुई गडकरी साकारताना दिसत आहे. याआधी बऱ्याच मराठी मालिकांमधून महत्वपूर्ण भूमिका साकारत तिने प्रेक्षकांच्या मनावर राज्य केलं. मालिका विश्वातील लोकप्रिय अभिनेत्रींपैकी जुई आहे. (Jui Gadkari Family Time)
जुई तिच्या शांत, सुशील अशा स्वभावानं प्रेक्षकांची लाडकी अभिनेत्री आहे. ‘ठरलं तर मग’ या मालिकेतून सायली या भूमिकेतून जुईने प्रेक्षकांची मन जिंकली आहेत. याआधी जुईची ‘पुढचं पाऊल’ ही मालिका विशेष गाजली. सोशल मीडियावर ही जुई बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहत असते. विशेषतः चाहत्यांबरोबर संवाद साधण्यासाठी ती आस्क मी एनिथिंग हे सेशन ठेवते. शिवाय सेटवरील बीटीएस व्हिडीओही चाहतांसह ती शेअर करताना दिसते. अशातच जुईने सोशल मीडियावरुन शेअर केलेल्या एका पोस्टने साऱ्यांचं लक्ष वेधून घेतले आहे. या पोस्टमध्ये जुई तिच्या कुटुंबीयांना वेळ देताना दिसत आहे. मावशी व भाचीचं स्पेशल बॉण्डिंग या व्हिडीओमधून स्पष्टपणे पाहायला मिळते. या व्हिडीओत जुई तिच्या भाचीला बालगीत दाखवताना दिसत आहे आणि बालगीत पाहता पाहता तिची भाची झोपून गेलेली व्हिडीओमध्ये पाहायला मिळत आहे.
या खास पोस्टला कॅप्शन देत जुईने असं म्हटलं आहे की, “My cupcake! मी मावशी ड्युटीवर आहे. लग्नाच्या गडबडीत लहान बाळांची चीडचीड होणं, त्यांना झोप येणं हे होतंच. मग करायचं काय जेणेकरुन बाळाच्या आई-बाबांना पण थोडी कामं करता येतील?, थोडा आराम करता येईल?. तर बाळाला आपली गोड मराठी बालगीतं ऐकवायची, दाखवायची. चांदोबा चांदोबा झालं, एका माकडाने काढलंय दुकान झालं, ये रे ये रे पावसा झालं, कोणास ठाऊक कसा झालं आणि आमचं पिल्लु आजुबाजुच्या आवाजात कधी गाढ झोपलं कळलंच नाही”.
आणखी वाचा – अहिल्यादेवींना मिळाली धमकी, पारूला पडलेलं स्वप्न होणार का सत्य?, मालिकेत येणार नवं वादळ
जुई पुढे म्हणाली, “मला अजुनही त्या गोड गोड बालगीतांच्या माझ्या लहानपणीची कॅसेट आठवते. दिवसभर ती गोड गाणी मी ऐकायचे. आजही युट्युबला ऐकते. तुम्हीसुद्धा त्या काळाला मिस करत आहात का?. मराठी बालगीतांसारख्या गोड गाण्यांची तुलना कशाशीच होऊ शकत नाही याच्याशी तुम्ही सहमत आहात का?”. जुईच्या या पोस्टवर अनेकांनी कमेंट केलेल्या पाहायला मिळत आहेत.