लहान पडद्यावरील लोकप्रिय अभिनेत्री व ‘बिग बॉस १६’ ची स्पर्धक श्रीजिता आपल्या विधानांमुळे नेहमी चर्चेत असते. २००७ मध्ये तिने ‘कसौटी जिंदगी की’ या मालिकेतून मालिकाविश्वात पदार्पण केले. त्यानंतर तिला ‘उतरन’ या चित्रपटातून अधिक प्रसिद्धी मिळाली. २००८ पासून २०१५ या कालावधीमध्ये सुरू असलेल्या या मालिकेला प्रेक्षकांनी अधिक पसंती दर्शवली. नुकत्याच झालेल्या एका मुलाखतीमध्ये श्रीजिताने कास्टिंग काऊचवर भाष्य केले आहे. (Sreejita de on casting couch)
मालिकाविश्वात येण्यासाठी ती अनेक ठिकाणी ऑडिशन देत होती. अशाच एका ऑडिशनदरम्यानचा एक किस्सा तिने शेअर केला आहे. तिने यामध्ये कास्टिंग काऊचचा सामना करावा लागल्याचे सांगितले. ती म्हणाली की, “जेव्हा मी १९ वर्षाची होते तेव्हा मला एका नंबरवरुन फोन आला आणि मला एक बंगाली चित्रपटाची ऑफर दिली. हा चित्रपट एका हिंदी चित्रपटाचा रिमेक असल्याचे सांगितले. मला मीटिंगसाठी बोलावलं. माझी आई कोलकात्यामध्ये होती. मी एकटीच दिग्दर्शकाला भेटण्यासाठी त्याच्या ऑफिसमध्ये गेले. तेव्हा त्याने माझा खांदा पकडला. त्याने खांदा पकडल्यानंतर मला थोडं विचित्र वाटलं, मला ते आवडलं नाही”.
पुढे ती म्हणाली की, “तो म्हातारा होता.वयाने लहान असलं तरीही असा स्पर्श कोणालाही योग्य वाटणार नाही. तसेच तो माझ्याकडे ज्या प्रकारे बघत होता तेही खूप घाणेरडं होतं. मी त्या क्षणी माझी पर्स उचलली आणि ऑफिसमधून पळून गेले”.
याबरोबरच तिने मनोरंजन क्षेत्रातील अनुभवही शेअर केला. ती म्हणाली की, “या क्षेत्रात कारणाशिवाय मला फोन करतात आणि त्यांच्याकडे मोठ मोठे चित्रपट असल्याचा दावा करतात. पण खरं तर त्यांच्या काहीच नसते. ते फक्त भेटायला बोलावतात. काहीजण हेही म्हणतात की आमच्याकडे मोठ्या निर्मात्यांचे चित्रपट आहेत. पण यामध्ये कास्टिंग काऊच आहे. हे माझ्याबरोबर एक-दोन वेळा घडले आहे”.
कास्टिंग काऊचवर व्यक्त होताना ती म्हणाली की, “मला आश्चर्य वाटते की लोकांची अशी मानसिकता कशी काय असू शकते? पण मी यांच्या बोलण्यात कधीही आले नाही. मी धीट होते. मला माहीत होते की जिथे चांगले काम आहे तिथे चुकीचे लोक असणार नाहीत. मी नेहमी म्हणते की जिथे खरे काम असते तिथे कास्टिंग काऊच नसतो”.
श्रीजिता आजपर्यंत ‘तुम्ही हो बंधु सखा तुम्ही’, ‘लेडीज स्पेशल’, ‘लाल इश्क’, ‘जादू है जिन का’या लोकप्रिय कार्यक्रमांमध्ये दिसून आली होती.