देशातील दिग्गज उद्योगपती मुकेश व नीता अंबानी यांचा मुलगा अनंत अंबानी लवकरच राधिका मर्चंटबरोबर लग्नबंधनात अडकणार आहे. लग्नापूर्वी जामनगरमध्ये या जोडप्यासाठी एक भव्य प्री-वेडिंग सोहळ्याचे आयोजन करण्यात आलं होतं. सलग तीन दिवस सुरु असलेल्या या सोहळ्यामध्ये राधिका व अनंतने खूप धमाल केली. अनंत अंबानी व राधिका मर्चंटचा प्री-वेडिंग सोहळा हा मस्ती, नृत्य व भावनांनी भरलेला होता. अनंत अंबानी याने त्याची भावी पत्नी राधिका व पालकांसाठी भाषण केले. यानंतर राधिकानेही अनंतसाठी हृदयस्पर्शी भाषण केलेलं पाहायला मिळालं. राधिकाचे भाषण ऐकून युजर्सना एका हॉलिवूड चित्रपटाची आठवण झाली. (Anant Ambani-Radhika Merchant Pre Wedding in Jamnagar)
राधिका मर्चंट व अनंत अंबानी यांच्या लग्नापूर्वीच्या ग्रँड प्री-वेडिंग सोहळ्याला कोणतीच कमतरता भासू दिली नाही. राधिका मर्चंटने तिच्या भावी पती अनंतसाठी या कार्यक्रमात हृदयस्पर्शी भाषण केले. हे भाषण ऐकल्यानंतर युजर्सना एका हॉलिवूड चित्रपटाची आठवण झाली. राधिका मर्चंटने अनंतसाठी हृदयस्पर्शी भाषण केले. राधिका म्हणाली, “या पृथ्वीवर एक अब्जाहून अधिक लोक आहेत आणि जीवनाचा अर्थ काय आहे? पण जेव्हा तुम्हाला अशी एखादी व्यक्ती सापडते जी प्रत्येक गोष्टीत तुमची काळजी घेण्याचे वचन देते, मग ते चांगले असो वा वाईट”. राधिकाने केलेलं हे भाषण ऐकून युजर्स म्हणाले की, ‘शॉल वी डान्स?’ या हॉलिवूड चित्रपटातील हे भाषणाचे संवाद आहेत.
२००४ मध्ये आलेला चित्रपट ‘शॉल वी डान्स?’ या चित्रपटात अभिनेत्री सुसान सरंडन हिने असाच एक संवाद म्हटला होता. एका युजरने त्याच्या सोशल मीडियावर सुसान व राधिकाचा एक संपादित व्हिडीओ शेअर केला आहे, ज्यामध्ये प्रथम हॉलिवूड अभिनेत्रीच्या संवादाची क्लिप आणि नंतर अंबानींच्या भावी सूनेची क्लिप पाहायला मिळत आहे. सध्या हा व्हिडीओ सोशल मीडियावर तुफान व्हायरल होताना पाहायला मिळत आहे.
हा व्हिडीओ शेअर करत युजरने लिहिले आहे की, “आम्ही पाठलाग करत नाही, आम्ही तपास करतो. त्यांनी मला कॉल केला असता आणि बोलावलं असतं तर मी त्यांच्यासाठी काही कोटी रुपये घेत शब्द बदलले असते. नोट- ती टेलिप्रॉम्प्टरवरुन वाचत आहे”, असं म्हटलं आहे.
