टेलिव्हिजनवरील लोकप्रिय मालिका म्हणजे ‘तारक मेहता का उलटा चश्मा’. या मालिकेला प्रेक्षकांची चांगलीच पसंती मिळाली आहे. या मालिकेच्या माध्यमातून अनेक कलाकारांना खूप लोकप्रियादेखील मिळाली. परंतु या मालिकेतील अनेक कलाकारांना समस्यांचाही सामना करावा लागला. जेनिफर मिस्त्री, गुरुचरण सिंह हे कलाकार अधिक चर्चेत राहिले. २००८ साली सुरु झालेल्या या मालिकेतील अनेक पात्र आजही प्रेक्षकांच्या खूप लक्षात आहेत. गेल्या काही वर्षात अनेक कलाकारांनी काही वैयक्तिक व व्यावयसाईक कारणांमुळे मालिका सोडली. त्यातील दया बेन, टप्पू,सोनू, मि. सोढी,तारक मेहता असे अनेक चेहरे बदलले पाहायला मिळाले. (sachin shroff marriage)
या मालिकेतील लोकप्रिय पात्र म्हणजे तारक मेहता. हे मालिका सुरु होण्याआधी व संपल्यानंतर समोर येऊन याबद्दलची माहिती देताना दिसतात. ही भूमिका आधी शैलेश लोढा यांनी साकारली होती. मात्र नंतर काही कारणांमुळे ही भूमिका सचिन श्रॉफ करताना दिसत आहे. पण सचिनच्या खऱ्या आयुष्याबद्दल फारच कमी लोकांना कल्पना आहे. त्याच्याबद्दल आणि त्याच्या खऱ्या पत्नीबद्दल आज माहिती जाणून घेऊया.
सचिन आपले खासगी आयुष्य सहसा कोणासमोर येत नाही. २०२३ साली सचिनने चांदनी कोठीबरोबर लग्नबंधनात अडकला. या लग्नासाठी ‘तारक मेहता…’ सर्व कलाकारदेखील हजर राहिलेले दिसते. ‘टाइम्स ऑफ इंडिया’च्या रिपोर्टनुसार, सचिनने सांगितले की, “मी जेव्हा शूटवर असतो तेव्हा संपूर्ण वेळ शूटिंगसाठी देतो. पण जेव्हा घरी असतो तेव्हा संपूर्ण वेळ हा घरच्यांचा असतो. तसेच मी जेव्हा बाहेर असतो तेव्हा मी पूर्णपणे एंजॉय करताना दिसेन. माझी पत्नीदेखील मला खूप साथ देते”.
मिळालेल्या माहितीनुसार, सचिनचे हे दुसरे लग्न आहे. याआधी त्याचे लग्न ‘कुमकुम’ फेम जुही परमार बरोबर झाले होते. २०१८ साली दोघंही वेगळे झाले. ९ वर्षांचा संसार केल्यानंतर दोघांनी घटस्फोट घेतला. जुही व सचिनला एक मुलगी असून तिचे नाव समायरा असे आहे. सचिन अनेकदा समायराबरोबरचे फोटो सोशल मिडियावर शेअर करत असतो.
