बॉलीवूड अभिनेत्री सुश्मिता सेन गेल्या अनेक वर्षांपासून मोठ्या पडद्यावर दिसत नसली, तरी ती ओटीटी प्लॅटफॉर्मवर मात्र फारच सक्रिय आहे. सुश्मिताने ‘आर्या’ वेबसिरीजमधून अभिनय क्षेत्रात रीएन्ट्री केली होती, ज्याला प्रेक्षकांनी भरभरून प्रेम दिले आहे. सीरिजच्या दोन सीझन्सने ओटीटीवर धुमाकूळ घातल्यानंतर चाहते आता तिसऱ्या सीझनची आतुरतेने वाट पाहत आहेत. मात्र, त्याआधी सुश्मिता ‘ताली’ या चित्रपटातून प्रेक्षकांच्या भेटीला येणार आहे. (Sushmita Sen Taali movie)
‘ताली’ चित्रपटात अभिनेत्री सुश्मिता सेन सामाजिक कार्यकर्त्या गौरी सावंतची भूमिका करणार आहे. या चित्रपटाचा काही दिवसांपूर्वी पोस्टर रिलीज झाला असून ती यामुळे चर्चेत आलेली आहे. या लूकविषयी एका मुलाखतीत बोलताना अभिनेत्रीने मोठा खुलासा केला असून सोशल मीडियावर आक्षेपार्ह कमेंट्स करणाऱ्यांना ब्लॉक केले असल्याचे सांगितले आहे.
एका वृत्तवाहिनीला दिलेल्या मुलाखतीत अभिनेत्री म्हणाली की, “माझ्या अवतीभोवती नकारात्मकता पसरली आहे. तालीशी संबंधित सोशल मीडिया पोस्टवर खोटे प्रोफाइल असलेले काही लोक आक्षेपार्ह कमेंट करत आहे.” आक्षेपार्ह कमेंट करणाऱ्यांना सुश्मिताने थेट सोशल मीडियावर ब्लॉक केले आहे.
हे देखील वाचा – “जन्मतः लेकीच्या हृदयात दोन छिद्र अन् तीन महिन्याची असताना…” अभिनेत्री बिपाशा बासूने सांगितला आयुष्यातील दुःखद प्रसंग
हे देखील वाचा – नॅशनल क्रश रश्मिका मंदानाने गुपचूप उरकलं लग्न? स्वतः केला खुलासा म्हणाली, “मी आधीच….”
पुढे सुष्मिता सेन म्हणते, “जर मला गौरी सावंतची भूमिका साकारूनही हे सर्व सहन होत नाही. त्यांची भूमिका केल्याबद्दल मला असे खूप काही म्हटले जात आहे, तर मग खऱ्या आयुष्यात गौरीने स्वत: किती सहन केले असेल. त्या तर हे सर्व जगत आल्या आहेत.” (Sushmita Sen has blocked trollers on social media on Taali poster)
हे देखील वाचा – इलियाना डिक्रुझने दिला गोड मुलाला जन्म फोटो ही केला शेअर! पतीचं नाव अजून गुपितच मात्र ‘हे’ आहे मुलाचं नाव
अभिनेत्री सुश्मिता सेनच्या या चित्रपटाचे दिग्दर्शन मराठमोळे दिग्दर्शक रवी जाधव यांनी केलं असून या चित्रपटात अनेक मराठी कलाकार दिसणार आहेत. येत्या १५ ऑगस्टला हा चित्रपट जिओ सिनेमावर प्रदर्शित होणार आहे. (Sushmita Sen Taali movie)