Suraj Chavan Wedding Ritual : ‘बिग बॉस मराठी’च्या पाचव्या पर्वाचा विजेता सूरज चव्हाण याचा २९ नोव्हेंबर रोजी लग्नसोहळा पार पडला. त्याने आपल्या लहानपणीची खास मैत्रीण संजनासह सात जन्मांची गाठ बांधली. नातेवाईक, मित्रमंडळी आणि सेलिब्रिटींच्या उपस्थितीत हा लग्नसोहळा मोठ्या उत्साहात पार पडला. लग्नानंतर आता त्यांच्या घरी सुरू झालेल्या पारंपरिक विधींचीही मोठ्या प्रमाणात चर्चा रंगत आहे. लग्नानंतरच्या पहिल्याच दिवशी सूरज आणि संजनाने एक विशेष विधी पार पाडली. पाण्यात अंगठी शोधण्याचा खेळ दोघांनीही खूप मजेत एन्जॉय केला. यावेळी हशा-मस्करी रंगली होती. हळद उतरवताना सूरजच्या चेहऱ्यावर खूप आनंद दिसत होता. समारंभातील हे क्षण आता सोशल मीडियावर जोरदार व्हायरल होत आहेत.
दरम्यान, दुसऱ्या एका व्हिडीओमध्ये सूरज-संजना जेजुरीला खंडेरायाच्या दर्शनासाठी गेलेले दिसले. परंपरेनुसार नवऱ्याने नवरीला उचलून पायऱ्या चढण्याची प्रथा आजही जेजुरीत पाळली जाते. ही प्रथा पार पाडताना सूरजने संजनाला उचलून पायऱ्या चढताना दिसत होता. दोघांनीही देवदर्शन घेतले असून या क्षणांचे अनेक व्हिडीओ चाहत्यांमध्ये प्रचंड लोकप्रिय झाले आहेत.
आणखी वाचा – बायकोला पाहायला उतावळा झालाय सोहम बांदेकर, मेहंदीचे फोटो शेअर करत पूजाला म्हणाला, “तयार राहा…”
सध्या सोशल मीडियावर या नव्या जोडप्याचे सर्वच व्हिडीओ आणि फोटो मोठ्या प्रमाणात शेअर होत आहेत. हळद उतरवण्यापासून देवदर्शनापर्यंत दोघांच्या चेहऱ्यावरचा समाधानाचा आणि आनंदाचा भाव स्पष्टपणे दिसत आहे. चाहत्यांनाही या जोडीचे हे आनंदमय क्षण पाहून भरभरून प्रेम दिल आहे.
आणखी वाचा – लग्नात गैरहजर पण…; लग्नानंतर लाडक्या भावाला अंकिता वालावलकरचा सल्ला, म्हणाली, “जीवनात कितीही बदल झाले तरी…”
लग्नाबद्दल बोलायचं झालं तर सूरज आणि संजनाचे हे लग्न लव्ह मॅरेज आहे. संजना ही सूरजच्या मामाची मुलगी असून दोघांचे नाते अनेक वर्षांच्या ओळखीवरून प्रेमात बदलले. त्यांच्या लग्नाला धनंजय पोवार आणि जान्हवी किल्लेकर अशा अनेक कलाकारांनी उपस्थित राहून या सोहळ्याची शोभा वाढवली.
