भारताचे पंतप्रधान नरेंद्र मोदी हे सर्व देशात आपल्या कामामधून ओळखले जातात. राजकारणात त्यांच्या नावाचा चांगलाच दबदबा आहे. नुकताच त्यांच्या उपस्थितीत जुन्या संसदेतून नव्या संसदेत प्रवेश करण्याचा सोहळा पार पडला. तसंच महिला आरक्षणाचं विधेयकही त्यांनी नुकतंच संसदेत सादर केलं. पण या महिला आरक्षणाच्या मुद्द्यावरून मोदींवर बरीच टीका होताना दिसते आहे. मनोरंजन क्षेत्रातील एका कलाकारांनेही त्यांच्यावर प्रश्नचिन्ह उपस्थित केलं आहे. दाक्षिणात्य अभिनेते प्रकाश राज यांनी नरेंद्र मोदींचा फोटो ट्विट करत त्यांच्यावर प्रश्न उपस्थित केला आहे. ( Prakash raj tweet viral on narendra modi)
अभिनेता प्रकाश राज हे दाक्षिणात्य अभिनेता असले तरी त्यांनी आज बॉलिवूडमध्ये देखील आपलं एक स्थान निर्माण केलं आहे. ‘सिंघम’ चित्रपटात त्यांनी साकारलेली जयकांत शिकरे ही भूमिका तर ‘वाँटेड’ चित्रपटामधील गनीभाई ही भूमिका प्रेक्षकांना खूप आवडली. त्यांनी आजपर्यंत कन्नड, तमीळ, मल्याळी, हिंदी अशा विविध भाषांमध्ये काम केलं आहे. प्रकाश सोशल मीडियावर बरेच सक्रिय असतात. नुकतीच त्यांनी राजकिय मुद्द्यावर केलेली ट्विट बरीच चर्चेत आहे. ही ट्वीट सोशल मीडियावर बरीच व्हायरल होत आहे.
Daily Quiz since 2014:-
— Prakash Raj (@prakashraaj) September 19, 2023
Tell me whats EMPTY.. the folder he is carrying.. the pocket he fingering.. or the Brain .. #justasking pic.twitter.com/nQ2mzur0I2
त्यांनी नुकताच पंतप्रधान नरेंद्र मोदींचा एक फोटो शेअर केला. ज्यात मोदी यांच्या हातात एक रिकामी फोल्डर आहे तर दुसरा हात त्यांच्या खिशात आहे. हा फोटो शेअर करत ते लिहीतात, ‘२०१४पासून रोज पडलेलं कोडं, मला सांगा नेमकं काय रिकामं आहे पंतप्रधान नरेंद्र मोदींच्या हातात असलेला फोल्डर त्यांच्या जॅकेटचा खिसा की त्यांचं डोकं’, अशा आशयाचं ट्विट करत प्रकाश यांनी पंतप्रधानांची खिल्ली उडवली. त्यांनी आजवर केलेल्या कामांवर प्रश्नचिन्ह निर्माण केलं आहे.
प्रकाश यांनी केलेल्या या ट्विटची सोशल मीडियावर बरीच चर्चा होत आहे. त्यांच्या या ट्विटवर बऱ्याच प्रतिक्रिया येताना दिसत आहे. याअगोदरही प्रकाश यांनी अशी वादग्रस्त ट्वीट केली होती. त्यांनी ‘चांद्रयान ३’ च्या संदर्भातही असे खिल्ली उडवणारे विधान केले होते. त्यावेळीदेखील त्यांच्यावर बरीच टीका झाली होती.