बॉलिवूडच्या सुप्रसिद्ध गायकांपैकी गायिका श्रेया घोषालचं नाव आदराने घेतलं जातं. तिच्या आवाजाचे फक्त देशातच नव्हे तर जगभरात लाखो चाहते आहेत. श्रेयाच्या आवाजाची जादू खरं तर काही औरच आहे. तिच्या प्रत्येक गाण्याची प्रेक्षक आतुरतेने वाट पाहत असताना. प्रत्यक्षात श्रेयाला गाताना ऐकणं ही एक वेगळीच गंमत आहे. एखादं गाणं तिने गाण्यास सुरुवात केली तर डोळे बंद करुन फक्त ऐकत राहावं असा अनुभव असतो. कलेच्या जोरावर आणि सुंदर आवाजामधून तिने प्रेक्षकांना कमालीची भूरळ पाडली आहे. कामाबाबत तर ती परफेक्ट आहेच. पण त्याचबरोबरीने एक व्यक्ती म्हणूनही श्रेया प्रेक्षकांच्या मनात कायमच घर करुन राहिली. याचंच एक उत्तम उदाहरण समोर आलं आहे. (shreya ghoshal viral video)
गायनाच्या रिएलिटी शोमध्ये परीक्षक पदाची धुरा सांभाळताना श्रेयाला आपण बऱ्याचदा पाहिलं आहे. दरम्यान शोमध्ये भावनिक प्रसंगी तिच्या डोळ्यांमध्ये पाणीही आलं. क्षणात भावनिक, समोरच्या व्यक्तीवर प्रेम करणाऱ्या श्रेयाने सगळ्यांचंच मन जिंकलं आहे. गरोदर चाहती श्रेयाला भेटायला आली होती. यावेळी श्रेयाने वेळात वेळ काढून तिला भेट दिली. चाहतीचं तिच्यावर असणारं प्रेम समजून घेतलं. श्रेया इथवरच थांबली नाही तर तिच्या पोटात असणाऱ्या बाळाबाबतही प्रेम व्यक्त केलं.
श्रेयाने चाहतीच्या पोटाला हात लावला. तिला खूपच आनंद झाला. गुडघ्यावर श्रेया बसली आणि महिलेच्या पोटाला हात लावून ती गाणं गात राहिली. यावेळी आईच्या पोटात असणाऱ्या बाळाचीही हालचाल व्हायला लागली. श्रेयालाही ते जाणवलं. ती अगदी खूश झाली. पुढे गाणं बोलत असताना बाळ हालचाल करत राहिलं. श्रेयाचा हा आनंद काही औरच होता.
श्रेयाने दिलेली वागणूक पाहून चाहतीही खूश झाली. पुन्हा श्रेयाने पोटाला हात लावत ऑल इज वेल अस गंमतीने म्हटलं. तिचा हा व्हिडीओ सोशल मीडियावर तुफान व्हायरल होत आहे. तसेच श्रेयाच्या कृतीचं सगळीकडे कौतुक होताना दिसत आहे. श्रेया तू खरंच ग्रेट आहेस, लहान बाळ किती खूश झालं असेल, मला असं वाटतं बाळ पोटात आनंदाने डान्स करत असेल अशा विविध कमेंट नेटकऱ्यांनी केल्या आहेत.
