‘सातव्या मुलीची सातवी मुलगी’ मालिकेच्या कथानकाने प्रेक्षकांना अक्षरश: वेड लावले आहे. मालिकेट येणारे नवनवीन ट्विस्ट्स दिवसेंदिवस मालिकेची उत्सुकता वाढवत आहेत. मालिकेतील रहस्यमय कथानकामुळे ही मालिका दिवसेंदिवस रोमांचक व रहस्यमय होत आहे. मालिकेतील नवनवीन ट्विस्टमुळे ही मालिका प्रेक्षकांची आवडती मालिका झाली आहे. गळे काही दिवस या मालिकेत अनेक नवीन ट्विस्ट येत आहेत.
मालिकेत नुकताच नेत्राने विरोचकाचा वध केल्याचे पाहायला मिळाले. अद्वैतला विरोचकाच्या तावडीतून सोडताना नेत्रा विरोचकाचा वध करत असल्याचे पाहायला मिळाले. मात्र, यामुळे विरोचकाचा अंत होत नाही. यानंतर विरोचक पुन्हा जीवंत होते आणि तिला दक्षिण दिशेकडे कुणीतरी बोलवतानाचे पाहायला मिळाले आहे.
यानंतर विरोचक रुपालीला दक्षिण दिशेकडे घेऊन जातानाचे पाहायला मिळाले. यावेळी तिने केलेल्या एका वाद्याच्या वादनाने घरात भूकंपदेखील होतो. या वाद्याचे वादन करुन रुपालीला एक शक्ती प्राप्त होत असल्याचे पाहायला मिळत आहे. त्यामुळे आता विरोचक या वाद्याचे सहाय्याने राजाध्यक्ष कुटुंबियांना आणखी संकटात आणणार का? असा प्रश्न चाहत्यांना पडला आहे. अशातच आता रुपाली घरात पुन्हा परतली आहे.
आणखी वाचा – मेष’ ते ‘मीन’पैकी कोणत्या राशीच्या लोकांना मिळणार आज आर्थिक यश?, कसा असणार तुमचा आजचा दिवस?
याचवेळी नेत्रा व इंद्राणी यांना विरोचक पुन्हा परत येण्याचे संकेत मिळाले आहेत. याचसह विरोचकाने रुपालीला संमोहन शक्तीदेखील दिली आहे. रुपाली घरी परतात असताना एक भिकारी तिच्याकडे भीक मागत असताना तिच्या डोळ्यात डोळे घालून बघत असतो. मात्र ततिच्या बोलण्याने तो एका ट्रकसमोर जाऊन उभा राहतो. यावरून तिला संमोहन शक्ती मिळाली असल्याचे कळते.
अशातच आता रुपालीच्या घरी परत येण्याने राजाध्यक्ष कुटुंबियांवर कोणते नवीन संकट येणार? असा प्रश्न चाहत्यांना पडला आहे. त्यामुळे राजाध्यक्ष कुटुंबीय या विरोचकाचा व विरोचकाने रुपालीला दिलेल्या शक्तीचा कसा सामना करणार? हे आगामी भागात पाहायला मिळेल.