झी मराठी वाहिनीवरील ‘सातव्या मुलीची सातवी मुलगी’ ही मालिका गेले काही दिवस प्रेक्षकांचे चांगलेच मनोरंजन करत आहे. मालिकेतील नवनवीन ट्विस्ट या मालिकेची प्रेक्षकांमध्ये उत्सुकता निर्माण करत आहे. मालिकेत नुकताच रुपालीने घरातील काही कुटुंबीयांना संमोहित केल्याचा ट्विस्ट पाहायला मिळत आहे. रुपालीने घरतील केतकी काकू व फाल्गुनी यांना संमोहित केले असून त्या दोघी रुपालीच्या सांगण्याप्रमाणे वागत आहेत. अशातच रुपालीने आता शेखर राजाध्यक्ष यांनाही तिच्या शक्तीने संमोहित केले आहे.
रुपालीने शेखरला संमोहित करुन त्याला तिच्याविरुद्ध व कुटुंबियांच्या बाजूने राहण्यास सांगितले आहे. त्यामुळे शेखरही तिच्या म्हणण्याप्रमाणे कुटुंबियांच्या बाजूने वागत आहे. तसेच नेत्रा, अद्वैत व घरातील इतर सदस्यांना शेखर त्यांच्या बाजूने असल्याचे वाटत आहे. पण प्रत्यक्षात तसे नाही.
अशातच आता रुपालीने तन्मयलाही तिच्या शक्तीने संमोहित केले आहे. तसेच शेखरला त्याच्याबरोबर राहण्यास सांगितले आहे. अशातच मालिकेचा आणखी एक प्रोमो समोर आला आहे. ज्यामध्ये शेखर घरातील सर्वांना रुपाली फक्त डोळ्यांत बघून सर्वांना संमोहित करत असल्याचे म्हणत आहे.
या व्हिडीओमध्ये शेखर असं म्हणतो की, “रुपाली तन्मयच्या डोळ्यांत बघून त्याला संमोहित करत होती. पण मी शेवटच्या क्षणी त्याचं लक्ष विचलित करुन त्याला पाठवून दिले. घरात आलेल्या पोलिसांच्याही डोळ्यांत बघून ती त्यांना संमोहित करण्याचा प्रयत्न करत होती. पण मी त्याला सुद्धा वेळीच सावध केले, नाहीतर त्याची अवस्थाही तशीच झाली असती.” असं म्हणतो. यानंतर अद्वैत त्याला “रुपाली फक्त समोरच्याच्या डोळ्यांत बघून त्यांना संमोहित करते?, तुम्हाला याची नक्की खात्री आहे का?” असं विचारतो.
यावर शेखरही “मला याबद्दल एक हजार टक्के खात्री आहे” असं म्हणतो. त्यामुळे आता मालिकेत रुपाली अजून कोणाकोणाला तिच्या शक्तीने संमोहित करणार? घरातील आणखी कोण कोण सदस्य रुपालीच्या बाजूने होणार? आणि रुपालीच्या या शक्तीविरुद्ध देवी आईच्या लेकी कशा लढणार/ हे आगामी भागांत पहाया मिळेल. यासाठी मालिकेचे प्रेक्षक उत्सुक आहेत.
