हिंदी चित्रपटातील लोकप्रिय अभिनेते गोविंदा सध्या अधिक चर्चेत आहेत. भाची आरती सिंहच्या लग्नाला उपस्थित राहिल्यानंतर कुटुंबातील सर्व वाद संपले अशी चर्चा सगळीकडे सुरु झाली. याआधी अभिनेता कृष्णा अभिषेक व गोविंदा यांच्यामध्ये वाद असल्याचे अनेकदा ऐकायला मिळाले आहे. पण आरतीच्या लग्नात सगळे वाद-विवाद विसरून दोघेही एकमेकांना भेटताना दिसले. तसेच त्यांच्यामध्ये सगळंकाही सुरळीत असल्याचेदेखील सांगण्यात आले होते. पण या दोघांमध्ये नेमका वाद का झाला? वादाचे नक्की कारण काय? हे आपण आता जाणून घेऊया. (govinda on krushna abhishek)
नुकताच आरती व दीपकचा विवाहसोहळा पार पडला. या विवाहसोहळ्यासाठी मनोरंजन क्षेत्रातील सगळे दिग्गज मंडळी उपस्थित होती. पण मामा गोविंदा उपस्थित राहणार की नाही असा प्रश्न काही जणांना पडला होता. पण गोविंदा आपला मुलगा यशवर्धन हे लग्नासाठी उपस्थित राहिले होते. यादरम्याने गोविंदा हे कृष्णावर नाराज का होते? याबद्दलची एक मुलाखत व्हायरल होत आहे. त्यांनी एका मुलाखतीमध्ये कृष्णामुळे खूप नाराज असल्याचे सांगितले आहे.
अभिनेता मनीष पॉलबरोबर झालेल्या एका मुलाखतीमध्ये गोविंदाने मुलाखतीमध्ये सर्व गोष्टींचा उलगडा केला आहे. यामध्ये त्यांनी सांगितले की, “कृष्णाला जेव्हा मुलं झाली तेव्हा मी त्याला भेटायला गेलो होतो. पण तो आपल्या सर्व मुलाखतीमध्ये मामा भेटायला आले नाहीत असे सांगत असतो”.
पुढे ते म्हणाले की, “जेव्हा कृष्णाच्या मुलांचा जन्म झाला तेव्हा मी सुनीताबरोबर त्यांना भेटायला रुग्णालयात गेलो होतो. मी मुलांना पाहिलं पण त्यांनी जवळ जायला मनाई केली. त्यावरुन कदाचित इन्फेक्शन होण्याची भीती असेल म्हणून जवळ जाऊ देत नसतील असे मीच सुनीताला म्हणालो”. मात्र त्यानंतर अनेकदा कृष्णाने गोविंदा हे मुलांना बघायला आलेच नाहीत असे अनेक मुलाखतीमध्ये सांगितले गेले.
यावेळी कृष्णाचादेखील मामा गोविंदाबद्दलचा एक व्हिडीओ व्हायरल झाला. यामध्ये त्याने गोविंदाचा दुश्मन म्हणून उल्लेख केला आहे. तो अनेक मुलाखतीमध्ये म्हणाला की, “मला दुश्मनची गरज काय? ते तर आमच्या घरातच आहेत”.
तसेच एकदा कृष्णाने गोविंदाला त्याच्या शोमध्ये बोलावलं होतं. मात्र तिथे न जाता गोविंदा कपिल शर्माच्या शोमध्ये गेला होता. त्यानंतर कृष्णाची पत्नी कश्मिरा शाहने ट्विट केले. यामध्ये तिने लिहिले की, “काही लोकं पैशासाठी नाचतात”. या सर्व प्रकारानंतर गोविंदा व कृष्णा यांच्यामध्ये खूप दुरावा निर्माण झाला.
