महाराष्ट्राची हास्यजत्रा हा कार्यक्रम गेली दोन वर्ष प्रेक्षकांचं मनोरंजन करतोय. जणू हा कार्यक्रम प्रेक्षकांच्या गळ्यातील ताईतच बनला आहे. हास्यजत्रेने आजवर रसिक प्रेक्षकांच्या मनात घर केलं आहे. कित्येक कुटूंबांना आजही महाराष्ट्राची हास्यजत्रा पाहिल्याशिवाय घास जात नाही. हा कार्यक्रम पडद्यावर आपण पाहतो त्यातील स्किट्स पाहतो, त्यावेळी या स्कीटमागे घेतल्या जाणाऱ्या अपार कष्टांची मेहनतीची आपल्याला जाणीवही सेटवरील मंडळी भासू देत नाहीत. (Sachin Mote and Wife Dream)
कलाकार मंडळींमुळे हा कार्यक्रम अव्वल ठरत असला तरी यामागे दिग्दर्शक, लेखक, तंत्रज्ञ यांची मेहनत विसरून चालायचं नाहीच. पडद्यामागे राहून पडद्यावरील कलाकारांना हसवण्यासाठी हसवणाऱ्या कलाकार मंडळींमध्ये एक नाव आवर्जून घेतलं जात ते म्हणजे लेखक सचिन मोटे.
लेखक निर्माते सचिन मोटे यांचं लवकरच आणखी एक स्वप्न सत्यात उतरणार आहे. हे स्वप्न म्हणजे सोनी मराठी वाहिनीवर येत असलेली जोडीदारासोबत पाहिलेल्या स्वप्नांची गोष्ट म्हणजेच ‘तुजंमाजंसपान’ ही आगामी मालिका होय. बरं या मालिकेच्या प्रोमोसोबाबत सध्या सचिन मोटे आणि त्यांची पत्नी मेघा मोटे यांचा एक व्हिडीओ सोशल मीडियावर व्हायरल होताना दिसतोय. या व्हिडिओमध्ये सचिन आणि मेघा यांनी एकत्र पाहिलेलं स्वप्न नेमकं काय आहे याचा उलगडा केला आहे.(Sachin Mote and Wife Dream)
सचिन मोटे आणि त्यांची पत्नी मेघा मोटे यांनी एकत्र पाहिलेलं स्वप्न समोर आलंय. यांत त्यांनी म्हटलंय की, आम्ही दोघांनी एकत्रित पाहिलेलं स्वप्न म्हणजे आपल्या आवडत्या माणसांसोबत आनंदाने एकत्र राहणं. आणि ते बऱ्यापैकी पूर्णही झालं आहे. दरम्यान बऱ्याच अडचणी आल्या मात्र दोघांनी सांभाळून आणि सॉरी बोलून ती प्रत्येक वेळ निभावून नेली. यावेळी बोलताना दोघांनाही एकमेकांच्या आवडत्या सवयींबद्दलही भाष्य केलं. सचिन यांनी पत्नीबद्दल बोलताना सांगितलं की, हिच्याकडे उत्तम व्यवस्थापन आहे. (Sachin Mote and Wife Dream)
एखादी गोष्ट यशस्वी करण्यात तिचा हातखंडा आहे. तर सचिन यांच्याबद्दल बोलताना त्यांची पत्नी म्हणाली की, सचिन बद्दल सांगायचं म्हणजे त्याचा पॉसिटीव्हनेस मला आवडतो. लग्न झाल्यापासून मी एक शब्द ऐकत आलेय ते म्हणजे होईल गं. दोघांनीही एकमेकांचं कौतुक करत त्यांच्या यशस्वी झालेल्या आगामी स्वप्नाबाबत प्रेक्षकांना माहिती दिली आहे.
