‘रोबोट बहू’ या नावाने ओळखली जाणारी टेलिव्हिजन विश्वातील अभिनेत्री रिद्धिमा पंडित खूपच लोकप्रिय ठरली. ‘बहू हमारी रजनीकांत’ या मालिकेमधून रिद्धिमा पंडित हिला बरीच ओळख मिळाली. आजही लोक तिच्या व्यक्तिरेखेचे आणि अभिनयाचे कौतुक करताना दिसतात. अशातच आता अभिनेत्रीने तिच्या वैयक्तिक आयुष्याबद्दल प्रतिक्रिया दिली आहे. अभिनेत्रीने केलेलं हे भाष्य चर्चेत आलं आहे. तिने आपली बीजांडे गोठवण्याचा (Eggs Freeze) करण्याचा अनुभव शेअर केला आहे. (Ridhima Pandit on Egg Freezing)
मातृत्व आणि Eggs Freeze बद्दल बोलताना रिद्धिमा म्हणाली, “माझ्यासाठी मातृत्व महत्त्वाचे आहे. परंतु बऱ्याच लोकांसाठी ही एकमेव गोष्ट नाही. आणि मला सुद्धा ती एकच गोष्ट महत्त्वाचीही बनवायची नव्हती, कारण मी ३० वर्षांचीही नव्हते. त्यामुळे मला संधी घ्यायची नव्हती. स्त्रीचे जैविक घडण ही दररोज बदलत असते. आपण भरपूर eggs घेऊन जन्माला येतो आणि काही काळानंतर ते कमी होतं जातात. त्यामुळे मला या गोष्टींची माहिती होती.
रिद्धिमा पुढे म्हणाली, “हे फार सोपे नाही. भरपूर इंजेक्शन्स घ्यावी लागतात. शरीर खूप फुगलेलं असतं. वजन वाढते, हे चिंताजनक नाही. फुगलेले शरीर हळूहळू कमी होतं जातं. हार्मोनल इंजेक्शन्समुळे तुम्ही जाड व्हाल असा समज नाही. याशिवाय लग्नाच्या प्लॅन्सवर रिद्धिमा पंडित म्हणाली, “मला माहित नाही की, भविष्यात लग्न होईल की नाही. हे तेव्हाच शक्य आहे जेव्हा मला योग्य जोडीदार मिळेल. हे शक्य आहे की भविष्यात मी एकट्याने बाळाची योजना करु शकते. निदान मी तणावमुक्त आहे. जैविकदृष्ट्या मी माझे काम केले आहे”.
प्रजननक्षमता संरक्षण हे एक विस्तृत क्षेत्र आहे. करिअर किंवा अन्य प्राधान्य द्यायच्या गोष्टी डोळ्यासमोर असताना तुम्हाला बाळंतपण पुढे ढकलण्यासाठी बीजांडे फ्रीझ करण्याचा पर्याय मदत करु शकतो. रिद्धिमाच्या कामाबद्दल बोलायचे झाल्यास तिने आजवर तिच्या अभिनयाने मालिकाविश्वातून प्रेक्षकांची मन जिंकली आहेत. याशिवाय ती ‘बिग बॉस ओटीटी’, ‘खतरों के खिलाडी ९’ सारखे शो देखील केले आहेत.