Aastad Kale Post About Producers Who Don’t Pay On Time: अनेक कलाकारांनी गेल्या काही महिन्यांमध्ये सोशल मीडियावर पोस्ट शेअर करत निर्मात्यांनी मानधन थकवल्याची तक्रार केल्याचं पाहायला मिळालं. अभिनेता शशांक केतकरने देखील नुकतीच सोशल मीडियावर शेअर केलेली पोस्ट सध्या चर्चेत आहे. पाच वर्षे झाली… अजून पैसे मिळाले नाहीत, आता कुंडली सकट व्हिडीओ शेअर करेन असं म्हणत शशांक केतकरने ही पोस्ट शेअर केली. अशातच लोकप्रिय अभिनेता आस्ताद काळेने देखील यासंदर्भात सविस्तर पोस्ट शेअर केली आहे.
आस्ताद काळेने फेसबुकवर एक पोस्ट शेअर करत निर्मात्यांकडून कशी फसवणूक होते याबाबत आपले स्पष्ट मत मांडले आहे. ही पोस्ट शेअर करत तो म्हणाला, “आपण एकत्र येऊया? एक होऊया? मराठी दूरचित्रवाणीच्या (television) क्षेत्रात एक रुढ परंपरा आहे. कदाचित हिंदीतही असेल, पण ते मला माहीती नाही. मी तिथे काम केलेलं नाही. तर परंपरा अशी की, काही निर्माते एकत्र येऊन एखाद्या कलाकाराला BLACKLIST करतात. त्याला/तिला काम मिळू द्यायचं नाही हे आपापसात मिळून ठरवतात. कधीकधी, नव्हे बऱ्याचदा त्या कलाकाराचा यात दोष असतो. बेशिस्त वागणं, अवाजवी मागण्या करणं वगैरे पैलू त्यात कारणीभूत ठरतात. (मी ‘त्या’ यादीत येता येता राहिलोय,वाचलोय.,माझ्याच चुकांमुळे, आणि त्या वेळीच सुधारल्यामुळे.) त्यामुळे मला हे नक्की माहीती आहे. पण काही सद्भावी, सहृदयी, प्रामाणिक आणि शिवाय प्रसिद्ध कलाकार आहेत ज्यांना केलेल्या कामाचे पैसेच देत नाहीत. निर्माते मग फार प्रसिद्धी न मिळालेल्या कलाकारांची या बाबतीतील व्यथा तर बोलायलाच नको. नको? बोलायलाच हवी…” (Aastad Kale Post About Producers Who Don’t Pay On Time)
पुढे तो म्हणाला, “काही राजकीय पक्षांच्या संघटना आहेत, ज्या कलाकारांच्या प्रश्नांसाठी काम करतात. पण निर्मात्याची जर त्या पक्षात किंवा एकूणच राजकीय वर्तुळात खूप ओळख आणि ऊठबस असेल तर? तर पुन्हा हात बांधले जातात आणि तोंड बंद होतं.(हाही अनुभव मला स्वत:ला आलेला आहे)एखादी मालिका फार चालली नाही, तर निर्मात्याचं नुकसान होतं. तेव्हा कलाकारांनी त्या नुकसानातील वाटा उचलणं अपेक्षित असतं. राहिलेल्या मानधनातले ५०% कमी करून देण्याच्या offers मला स्वत:ला आलेल्या आहेत.” (Aastad Kale Post About Producers Who Don’t Pay On Time)
शेवटी तो म्हणाला, “पण जर मालिका चालली, फायदा झाला, तर त्याचा वाटा मात्र कलाकरांच्या नशीबी येत नाही. हे आणि हेच विदारक सत्य आहे. कलाकारांनी एकत्र येणं गरजेचं आहे. निर्मात्यांचं जसं एक GUILD आहे तसं तयार करणं गरजेचं आहे. काही निर्मात्यांना कलाकारांनी एकत्र येऊन BLACKLIST करणं गरजेचं आहे. Channels कडून या काही निर्मात्यांना डावललं जाणं गरजेचं आहे. हातांच्या बोटांवर मोजता येतील इतके विश्वासार्ह निर्माते आहेत आज मराठी televisionमध्ये आहेत. बाकी अनेक बुडवे आहेत. पण तरी त्यांना Channels कडून projects मिळत राहतात. म्हणून कलाकारांनी एकत्र येणं, आपलं एक स्वतंत्र GUILD उभं करणं गरजेचं आहे.” (Aastad Kale Post About Producers Who Don’t Pay On Time)
