Telugu actor GV Narayana Rao Death : सुप्रसिद्ध तेलुगू अभिनेता आणि निर्माते जी.व्ही. नारायण राव यांचे हैदराबादमध्ये हृदयविकाराच्या झटक्याने निधन झाले. ते 73 वर्षांचे होते. अभिनेते कराटे कल्याणी यांनी गुरुवारी जी.व्ही. नारायण यांच्या निधनाची माहिती दिली. त्यांच्या पार्थिवावर 28 ऑगस्ट रोजी वैकुंठ महाप्रस्थानम स्मशानभूमीत अंत्यसंस्कार करण्यात येणार आहेत. अभिनेता चिरंजीवीनेही एका भावनिक सोशल मीडिया पोस्टद्वारे त्यांना श्रद्धांजली वाहिली.
चिरंजीवीने लिहिले की, “सुप्रसिद्ध ज्येष्ठ अभिनेते आणि निर्माते आणि माझे प्रिय मित्र जीव्ही नारायण राव गरू यांच्या निधनाने मला खूप धक्का बसला आहे. 1976 मध्ये अंटुलेनी कथा या चित्रपटातून त्यांनी पदार्पण केले. अनेक चित्रपट आणि दूरचित्रवाणी मालिकांमध्ये आपल्या उत्कृष्ट अभिनयाने त्यांनी प्रेक्षकांच्या हृदयात विशेष स्थान निर्माण केले. जी.व्ही. नारायण गरू यांच्याशी माझे खूप जवळचे नाते होते. निर्माता म्हणून त्यांनी माझ्यासोबत ‘देवंथाकुडू’ आणि ‘यमुदिकी मोगुडू’ सारखे चित्रपट केले. त्याच्यासोबतच्या माझ्या छान आठवणी होत्या. त्यांच्या आत्म्याला शांती लाभो. मी त्यांच्या कुटुंबातील सदस्य, जवळचे सहकारी आणि चाहत्यांसाठी माझ्या मनापासून शोक व्यक्त करतो. ओम शांती”.
आणखी वाचा – राम-लक्ष्मणाच्या अतूट बंधाची आठवण करून देणारा ‘बंधू’, उपेंद्र लिमये आणि जितेंद्र जोशी पहिल्यांदा एकत्र
जी.व्ही. नारायण राव यांनी त्यांच्या करिअरची सुरुवात 1976 मध्ये केली होती. ते अंटुलेनी कथा या चित्रपटात दिसले होते. बालचंदर यांनी चित्रपटाचे दिग्दर्शन केले. जी.व्ही. नारायण राव यांनी जवळपास 100 चित्रपट आणि अनेक टीव्ही शोमध्ये काम केले. जी.व्ही. नारायण गरू हे रजनीकांत यांचे बॅचमेट होते. त्यांनी ‘देवंथाकुडू’ (1984) आणि ‘यमुदिकी मोगुडू’ (1988) या चित्रपटांची निर्मिती केली. या चित्रपटाचा नंतर तामिळमध्ये ‘अथिसया पिरावी’ (1990) म्हणून रिमेक करण्यात आला. या चित्रपटात रजनीकांत मुख्य भूमिकेत होते.
आणखी वाचा – ‘कापूसकोंडा’मुळे सचिन पिळगावकर, मधुराणी गोखले पुन्हा एकत्र, २३ ऑक्टोबरला सिनेमागृहात
त्याने पसुपु कुमकुमा, सुन्दरकाण्ड, गिरिजा कल्याणम आणि गीतांजलि सारखे शो केले. याशिवाय त्यांनी ‘राजा विक्रमार्क’, ‘सीतारमैया गारी’ ‘मनावरलु’, ‘गैंग लीडर’, ‘सूर्या आईपीएस’, ‘सुपर एक्सप्रेस’, ‘प्रेमा चित्रम पेली विचित्रम’, ‘हिटलर’, ‘सहसम’, ‘राजू गारी गाडी 2’, ‘थोलू बोम्मालता’, ‘स्काईलैब” यांसारखे चित्रपट केले आहेत. जी.व्ही. नारायण यांनी आपल्या प्रतिभेच्या जोरावर इंडस्ट्रीत आपला ठसा उमटवला.
