सोनी मराठी वाहिनीवरील लोकप्रिय कार्यक्रम म्हणजे ‘महाराष्ट्राची हास्यजत्रा’. ‘महाराष्ट्राची हास्यजत्रा’ या कार्यक्रमाने साऱ्यां रसिक प्रेक्षकांना वेड लावलं आहे. महाराष्ट्रातच नव्हे तर जगभरात या कार्यक्रमाचे लाखो चाहते आहेत. लवकरच हा कार्यक्रम प्रेक्षकांच्या भेटीला येणार आहे. या कार्यक्रमाने काही दिवसांचा ब्रेक घेत परदेश दौरा सुरु केला होता. अमेरिकेतल्या प्रेक्षकांचं मनोरंजन करण्यासाठी हे कलाकार अमेरिका दौरा करण्यात व्यस्त होते. आता परदेश दौरा संपवून हे कलाकार पुन्हा एकदा रसिक प्रेक्षकांच्या मनाचा ठाव घ्यायला सज्ज होत आहेत. अमेरिका दौरा करताना अनेक किस्से घडले यातील एक किस्सा प्रियदर्शिनीने सांगितला आहे. (Prithvik Pratap On Dattu More)
‘इट्स मज्जा’ला दिलेल्या मुलाखतीत बोलताना प्रियदर्शिनीने पृथ्वीकचा एक किस्सा सगळ्यांसमोर आणला. हास्यजत्रेतील कलाकारांच्या पडद्यावर जस बॉण्डिंग आहे तसेच बॉण्डिंग पडद्यामागे देखील आहे. त्यांच्यातील मैत्री नेहमीच आपल्याला पाहायला मिळते.
पाहा पृथ्वीकने दत्तूसाठी काय केलं (Prithvik Pratap On Dattu More)
‘इट्स मज्जा’ला मुलाखत दिली तेव्हा ही त्यांची घट्ट मैत्री पाहायला मिळाली. किस्सा सांगताना प्रियदर्शिनी म्हणाली की, “पृथ्वीक किती डाउन टू अर्थ आहे, याचा मला एक किस्सा सांगायचा आहे. आमच्या सगळ्यांचीच एकत्र प्रगती होत आहे, याची एक वेगळीच मज्जा येतेय”.
“आम्ही अमेरिकेच्या दौऱ्यावर होतो. त्यावेळेस शोमध्ये प्रत्येकाच्या एंट्रीला वेगवेगळ्या टाळ्या यायच्या. पण पृथ्वीक आणि दत्तू हे दोघं एकत्र एंट्री घ्यायचे, हे आम्हाला एक-दोन शोनंतर लक्षात आलं. मग हेच पृथ्वीकच्या लक्षात आलं की, दत्तूसाठी वेगळ्या टाळ्या आहेत. त्यामुळे पृथ्वीक स्टेजवर पहिला दत्तूला पुढे पाठवायचा, त्याच्या टाळ्या घेऊ झाल्यानंतरच मग पृथ्वीक स्वतःची एंट्री करायचा.”
हास्यजत्रेतील सगळेच कलाकार डाऊन टू अर्थ आहेत. सगळ्याच कलाकार मंडळींनी शून्यातून आपलं विश्व स्वमेहनतीवर तयार केलं आहे. प्रत्येक कलाकाराने स्वतःचा असा चाहता वर्ग ही निर्माण केला आहे. येत्या १४ ऑगस्ट पासून ‘महाराष्ट्राची हास्यजत्रा’ पुन्हा एकदा प्रेक्षकांच्या भेटीस येत आहे.
