‘मन धागा धागा जोडते नवा’ म्हणत मराठीसह हिंदी प्रेक्षकांच्या मनावर अधिराज्य गाजवणारी ‘कलरफुल’ अभिनेत्री म्हणजे पूजा सावंत. आपल्या सहजसुंदर अभिनयाने, निरागस हास्याने व मनमोहक सौंदर्याने पूजाने अनेकांच्या हृदयात आपले स्थान निर्माण केले आहे. आपल्या अभिनयाने व हटके स्टाईलमुळे चर्चेत राहणारी पूजा ही तिच्या लग्नामुळे चांगलीच चर्चेत आली आहे.
नुकताच पूजाचा सिद्धेश चव्हाणबरोबर शुभविवाह सोहळा मोठ्या दिमाखात पार पडला. याचे काही खास फोटो पूजाने तिच्या सोशल मीडियावरद्वारे शेअर केले आहेत. गेले काही दिवस पूजाच्या संगीत, हळदी तसेच लग्नाआधीच्या काही विधींचे फोटो व व्हिडीओही सोशल मीडियावर व्हायरल झालेले पाहायला मिळाले. या फोटो व व्हिडीओना चाहत्यांकडूनही चांगलाच प्रतिसाद मिळाला. अशातच तिच्या लग्नाच्या काही खास क्षणांनादेखील चाहत्यांनी चांगलाच प्रतिसाद दिला.
अभिनेत्री पूजा सावंतची बहीण रुचिरा सावंत आपल्या बहिणीच्या लग्नात फारच उत्सुक होती. फार हिरीरीने ती लग्नाच्या प्रत्येक कार्यात सहभाग घेत होती. रुचिरा व पूजा या दोन बहिणींचा खास बॉण्ड लग्नाच्या प्रत्येक कार्यात दिसून आला. हळदी समारंभ सोहळ्यात या दोघींनी एकमेकींबरोबर धमाल मजा मस्ती केली. एकमेकींनी ‘रसिकाच्या लग्नात’ या गाण्यावर छान ठेकाही धरला. त्याचबरोबर दोघी या गोड क्षणी भावुकही झाल्याचे पाहायला मिळाले.
आणखी वाचा – ‘झलक दिखला जा ११’ शोचा ‘हा’ स्पर्धक ठरणार विजेता, महाअंतिम सोहळ्यापूर्वीच नाव समोर
अशातच नुकतीच पूजाच्या लग्नाची सत्यनारायण पूजा पार पडली. यावेळी पुजा व सिद्धेशने देवाच्या आशीर्वादाने त्यांच्या सुखी संसारासाठी देवाकडे प्रार्थना केली. याचे काही खास क्षण रुचिराने तिच्या सोशल मीडियाद्वारे शेअर केले आहेत. अशातच तिने शेअर केलेल्या एका व्हिडीओमध्ये ती पूजाला “दिदी किती छळते आहेस गं त्यांना?” असं मस्करीत म्हणते. यावर पूजा सिद्धेशला “मी छळ करतेय का?” असं विचारते आणि पूजाने हे विचारताच सिद्धेशही रुचिरासह “हो” असं म्हणतो. दरम्यान, पूजा-सिद्धेश व रुचिरामधील हे गोड क्षण रुचिराने तिच्या इन्स्टाग्राम स्टोरीद्वारे शेअर केले आहेत.