rucha vaidya wedding : मराठी कलाविश्वात अनेक कलाकार मंडळी थाटामाटात लग्न करताना दिसत आहेत. तर काहींनी गुपचूप लग्न उरकल्याचंही पाहायला मिळालं. अशातच आता एका मराठमोळ्या अभिनेत्रीने लग्न केल्याचे समोर आले आहे. या अभिनेत्रीच्या शाही विवाहसोहळ्याची जोरदार चर्चा सुरु असलेली पाहायला मिळाली. ही नुकतीच लग्नबंधनात अडकलेली अभिनेत्री म्हणजे ऋचा वैद्य. पाणी या राष्ट्रीय विजेत्या चित्रपटातून ऋचा वैद्य हा नवा चेहरा सिनेरसिकांच्या भेटीला आला. बालकलाकार म्हणून रसिकांच्या भेटीस आलेली ऋचा पाणी या सिनेमातून अभिनेत्री म्हणून प्रेक्षकांसमोर आली. आता अखेर ऋचा विवाहबंधनात अडकली असून तिच्या विवाहसोहळ्याचे फोटोदेखील समोर आले आहेत.
पाणी चित्रपटाला यश मिळाल्यानंतर ऋचाने यंदाच्या वर्षाच्या सुरुवातीलाच साखरपुडा सोहळा उरकत आनंदाची बातमी चाहत्यांना दिली. यानंतर आता ऋचा केव्हा लग्नबंधनात अडकणार याकडे अनेकांचं लक्ष लागून राहील होतं. अखेर ऋचा आणि यश किरकिरे यांचे लग्न झाले असून त्याच्या लग्नाचे फोटो सोशल मीडियावर समोर आले आहेत.
आणखी वाचा – “काम करता करता मला मरण हवं कारण…”, एकटेपणाला वैतागल्या उषा नाडकर्णी, लेकही बरोबर राहत नाही आणि…
नवऱ्याबरोबरचा लग्नमंडपातील सुंदर असा फोटो शेअर करत ऋचाने “hubby”, असं कॅप्शन देत फोटो शेअर केला आहे. अगदी मराठमोळ्या अंदाजात ऋचा फारच सुंदर दिसत होती. तर ऋचाच्या नवऱ्याचाही यावेळी मराठमोळा लूक लक्षवेधी ठरला. यावेळी अभिनेत्रीने सहावारी साडी, नाकात नथ, डिझाइनर ब्लाऊज, भरजरी दागिने परिधान केले होते. तर तिच्या नवऱ्याने केलेला पेशवाई लूकही लक्ष वेधून घेणारा होता. ऋचाच्या लग्नाच्या फोटोंवर सिनेविश्वातून शुभेच्छांचा वर्षाव होताना पाहायला मिळत आहे.
रिसेप्शनसाठीही ऋचा लाल रंगाच्या डिझाइनर साडीमध्ये खूप सुंदर दिसत होती. तर तिचा नवरा ब्लेझर सूटमध्ये हँडसम दिसत होता. ऑक्टोबर २०२४ मध्ये आदिनाथ कोठारे दिग्दर्शित पाणी या सिनेमातून ऋचा समोर आली. या चित्रपटाच्या निर्मितीची धुरा बॉलिवूड अभिनेत्री प्रियांका चोप्रा हिने केली होती. सत्य घटनेवर आधारित या सिनेमाला यंदाच्या पुरस्कार सोहळ्यात अनेक पुरस्कारही मिळाले आहेत.
