dipika kakar News : टीव्ही अभिनेत्री दीपिका कक्कर सध्या तिच्या तब्येतीमुळे चर्चेत आली आहे. अलीकडेच अभिनेत्री स्टेज २ यकृत कर्करोगाने ग्रस्त असल्याचं समोर आलं. त्यामुळे उपचारासाठी अभिनेत्रीला दवाखान्यात दाखल करण्यात आलं. आणि यावर उपाय म्हणून तिच्यावर शस्त्रक्रिया करण्यात आली. शस्त्रक्रियेनंतर आता अभिनेत्रीची तब्येत पूर्वीपेक्षा चांगली असल्याचं समोर आलं आहे आणि तिला आयसीयूमधून जनरल वॉर्डमध्ये हलविण्यात आले आहे. अशा परिस्थितीत, ७ जून रोजी दीपिका आणि तिचा नवरा शोएब इब्राहिम यांनी रुग्णालयाच्या खोलीतच ईद साजरी केली.
शोएब इब्राहिमने त्याच्या इन्स्टाग्राम स्टोरीमध्ये एक फोटो शेअर केला आहे, ज्यामध्ये हे पाहायला मिळत आहे की, या कठीण काळातही तिचे कुटुंब सण साजरा करत हा दिवस संस्मरणीय बनवण्याचा प्रयत्न करीत आहेत. या पोस्टच्या कॅप्शनमध्ये त्याने लिहिलं आहे की, “दीपी (दीपिका) आणि माझ्यासाठी पपांकडून ईदी आली आहे. ईदच्या खूप शुभेच्छा”. चाहत्यांना दीपिका व शोएबचे ईद साजरीकरण फार आवडले आहे. हॉस्पिटलमध्ये असलेल्या दीपिकाची तिचे सासरचे कुटुंब घेत असलेली काळजी पाहूनही चाहते त्यांचं कौतुक करत आहेत.
६ जून रोजी शोएबने एक ब्लॉग शेअर केला, ज्यामध्ये त्याने चाहत्यांना दीपिकाच्या शस्त्रक्रियेबद्दल माहिती दिली आणि तिच्या प्रकृतीबद्दल अपडेट दिले. दीपिकासाठी प्रार्थना केल्याबद्दल चाहत्यांचे आभार मानले. शोएब म्हणाला, “उद्या ईद-उल-अजहा आहे आणि आज इतक्या शुभ दिवशी, दीपिका आयसीयूमधून बाहेर आहे. ती आयसीयूमधून बाहेर आली आहे आणि आमच्याबरोबर आहे, याबद्दल मी खरोखर आभारी आहे. ती तीन दिवस आयसीयूमध्ये होती आणि शस्त्रक्रियेनंतर तिची प्रकृती सुधारत आहे. संध्याकाळी डॉक्टरांनी तिला खोलीत हलवण्याचा निर्णय घेतला. शस्त्रक्रिया मोठी असल्याने ती काही दिवस येथेच राहील, ती १४ तास ओटीमध्ये होती”.
आणखी वाचा – लोकप्रिय मराठमोळ्या अभिनेत्रीचं थाटामाटात लग्न, शाही लूकची चर्चा, आदिनाथ कोठारेसह केलंय काम…
दीपिकाने तिच्या अधिकृत इंस्टाग्रामवरून हे शेअर करत म्हटले की, जसे की आपल्या सर्वांना हे माहित आहे की गेला काही आठवडा आमच्यासाठी अवघड आहे. ओटीपोटाच्या वरच्या भागाच्या तीव्र वेदनांनी रुग्णालयात जावे लागले. मग आपल्या यकृतामध्ये टेनिस बॉल आकाराचे ट्यूमर आहे हे समजले आणि नंतर हे माहित झाले की हा ट्यूमर दुसर्या टप्प्यातील कर्करोग आहे. आमच्यासाठी ही सर्वात कठीण वेळ आहे जो आम्ही पाहिला आणि अनुभवला आहे. मी त्यास सामोरे जाण्यासाठी आणि संपूर्ण धैर्याने त्यातून बाहेर पडण्यासाठी सकारात्मक आहे. इंशाल्लाह. माझे कुटुंबही यावेळी माझ्याबरोबर आहे आणि आपण सर्वजण सतत प्रेम आणि आशीर्वाद पाठवत आहात. मी यातून नक्कीच बाहेर पडेन. इंशाल्लाह. आशीर्वाद देत राहा”.
