बदलत्या काळानुसार टेलिव्हीजन विश्वातील बरीच गणितं बदलली. तंत्रज्ञान, कलाकार, कथा सगळ्यात बाबतीत छोट्या पडद्याचं एक वेगळं स्वरुप गेल्या काही वर्षांत समोर आलं. मात्र जुने काही टीव्ही शो अजूनही प्रेक्षकांच्या फेव्हरेट लिस्टमध्ये आहेत. त्यातीलच एक शो म्हणजे ‘सीआयडी’. CID ने प्रेक्षकांच्या मनावर अधिराज्या गाजवलं. आजही प्रत्येक वयोगटातील प्रेक्षक या शोचे जुने एपिसोड पाहतात. १९९८ ते २०१८च्या काळात CID ने प्रेक्षकांचं भरभरुन मनोरंजन केलं. आता पुन्हा एकदा हा शो प्रेक्षकांच्या भेटीला आला आहे. याचबाबत आता विविध चर्चा सुरु आहे. (CID Dr Salunkhe Narendra Gupta Exit)
मध्यंतरी एसीपी प्रद्युमन म्हणजेच शिवाजी साटम यांच्या जागी शोमध्ये नवा एसीपी आला असल्याची चर्चा होती. अभिनेता पार्थ समथानने एसीपी हे पात्र काही भागांसाठी साकारलं. यावरुन प्रेक्षकांनी बराच राग व्यक्त केला. शिवाजी साटम यांना पुन्हा शोमध्ये आणण्यात आलं. पार्थने आता शोमधून एक्झिट घेतली आहे. आता CIDमधील डॉक्टर साळुंखे म्हणजेच नरेंद्र गुप्ता शो सोडणार असल्याची चर्चा सुरु झाली आहे. ही बातमी ऐकताच पुन्हा प्रेक्षकांचा राग अनावर झाला आहे.
आणखी वाचा – Video : अनेक जखमी, लाखोंचं नुकसान अन्…; राम चरणच्या चित्रपटाच्या सेटवर पूर परिस्थिती, भयावह व्हिडीओ समोर
Dr. Salunkhe & traitor ? Most shocking & highly unacceptable thing I saw in cid… this man gave his 27 years to Cid, log forensic unki vajah se jante hai & he is traitor. I really hope it's plan, bcoz we can't accept this. He is OG team member of Cid @Narendragupt#cid #cid2 pic.twitter.com/8a7XRTt3hf
— Shubhangi (@AnAdityan) June 8, 2025
शिवाजी साटमसह, ऋषिकेश पांडे, दयानंद शेट्टी, जान्हवी छेडा, श्रद्धा मुसले, आदित्य श्रीवास्तव आदी कलाकार CIDमध्ये विविध भूमिका साकारत आहेत. CIDच्या नव्या सीझनला आणि त्याच्या कथेला प्रेक्षकांचीही विशेष पसंती मिळत आहे. पार्थच्या एक्झिटनंतर आता कथेमध्ये नवा ट्वीस्ट आला आहे. डॉ. साळुंखेला देशद्रोही घोषित करण्यात आलं आहे. याच गुन्हा अंतर्गत त्यांना अटक करण्यात आलं. याच ट्वीस्टमध्ये डॉक्टर साळुंखे यांची शोमधून एक्झिट झाली असल्याचं समोर आलं आहे.
आता CIDमध्ये डॉ. साळुंखे दिसणार नाहीत. सोशल मीडियाद्वारे प्रेक्षक संताप व्यक्त करत आहेत. तुम्ही डॉ. साळुंखेंना विलन का बनवलं, CID २च्या टीमबरोबर तुम्ही असं का करत आहात?, तुम्ही एक चांगली भूमिका मारुन टाकली, डॉ. साळुंखेला तुम्ही देशद्रोही कसे ठरवू शकता?, सीआयडीचं सगळ्यात जुनं पात्र आहे, आम्हाला तुमचा हा निर्णय स्वीकार नाही अशा संतप्त कमेंट नेटकऱ्यांनी केल्या आहेत. डॉक्टर तारिकाचीही पुन्हा CIDमध्ये एन्ट्री होत आहे.
