पन्नाशी ओलांडलेल्या मात्र तरुणाईला लाजवेल अशा कलाकारांच्या यादीत एका जोडीचं नाव आवर्जून घेतलं जात ते म्हणजे अभिनेते अविनाश नारकर व अभिनेत्री ऐश्वर्या नारकर. ट्रेंडिंग रील्स, योगा, व्यायाम, अनेक विनोदी व्हिडीओ बनवण्यात या जोडीचा हातखंडा आहे. या वयात या जोडीला नाचताना पाहून नेटकरी त्यांना ट्रोल करतात, तर अनेकांना त्यांची या वयातील एनर्जी आवडते व ते कौतुकही करतात. बरेचदा ही जोडी या ट्रोलर्सला सडेतोड उत्तर देताना दिसते. आता पुन्हा एकदा ही जोडी एका ट्रेंडिंग गाण्यावर रील केल्याने चर्चेत आली आहे. (Narkar Couple Dance On Trending Song)
मागील काही दिवसांपसून ‘आमच्या पप्पांनी गणपती आणला’ हे गाणं सोशल मीडियावर ट्रेडिंगला आहे. एका लहानग्याने गायलेलं व अभिनित हे गाणं प्रेक्षकांच्या मनाचा ठाव घेत आहे. या गाण्यावर अनेक प्रेक्षकांनी रील करून सोशल मीडियावर पोस्ट देखील केल्या आहेत. आता या ट्रेंडिंग गाण्याचं नवीन व्हर्जन नारकर कपल घेऊन आले आहेत. त्यांच्या या नवीन व्हर्जन वरील डान्सने साऱ्यांचं लक्ष वेधून घेतलं आहे.
‘आमच्या पप्पांनी गणपती आणला…’ गाण्याचं नवीन व्हर्जन अविनाश व ऐश्वर्या नारकर यांनी तयार केलं आहे. ‘झी मराठी’ वाहिनी सध्या ‘उत्सव नात्यांचा, जल्लोष गणरायाचा’ हा गणेशोत्सवानिमित्त खास सोहळा साजरा करण्यात व्यस्त आहेत. हा सोहळा आज प्रेक्षकांना टेलिव्हिजनवर पाहायला ही मिळणार आहे. या सोहळ्यावेळी गणेशोस्तवाचे औचित्य साधत अविनाश व ऐश्वर्या नारकर यांनी ‘आमच्या झीनं गणपती आणला’ असं गाणं तयार करून व्हिडीओ केला आहे. ‘इट्स मज्जा’ या इन्स्टाग्राम पेजवर त्यांचा हा व्हिडीओ शेअर केला असून अनेक चाहत्यांनी या व्हिडिओला पसंती दर्शविली आहे.
अविनाश नारकर सध्या ‘३६ गुणी जोडी’ व ‘कन्यादान’ या मालिकेत पाहायला मिळत आहेत. तर ऐश्वर्या नारकर ‘सातव्या मुलीची सातवी मुलगी’ या मालिकेत ग्रे शेड असलेली भूमिका साकारत आहेत.
