छोट्या पडद्यावरील मालिकांना प्रेक्षकवर्गाकडून नेहमीच भरभरुन प्रेम मिळालं आहे. दिवसभराच्या कामातून विश्रांती मिळाल्यानंतर कुटुंबातील मंडळी एकत्र बसून मालिका आवर्जून पाहतात. सध्या स्टार प्रवाह व झी मराठी वाहिनीवरील मालिका प्रेक्षक अधिकाधिक पाहत असल्याचं चित्र आहे. स्टार प्रवाह वाहिनीवरील मालिका टीआरपीच्या शर्यतीमध्ये अगदी पुढे आहेत. याच वाहिनीवरील सध्या दोन मालिकांची जोरदार हवा पाहायला मिळत आहे, ती म्हणजे ‘प्रेमाची गोष्ट’ आणि ‘ठरलं तर मग’. (Marathi serial TRP rating latest update)
गेल्या अनेक दिवसांपासून ‘ठरलं तर मग’ मालिका टीआरपीमध्ये अव्वल स्थानावर होती. मात्र, काही आठवड्यांपूर्वी ‘प्रेमाची गोष्ट’ मालिका सुरु झाली आणि तिथपासून अवघ्या दोनच आठवड्यात मालिका पहिल्या स्थानावर आली होती. मात्र आता हे चित्र बदलेलं दिसत आहे. ‘ठरलं तर मग’ मालिकेने ‘प्रेमाची गोष्ट’ला मागे टाकत पुन्हा एकदा टीआरपीच्या यादीत अव्वल स्थान पटकावलं आहे. समोर आलेल्या रिपोर्टनुसार, ‘प्रेमाची गोष्ट’ मालिका तिसऱ्या स्थानावर आहे. तर ‘तुझेच मी गीत गात आहे’ मालिका दुसऱ्या स्थानावर आहे.
हे देखील वाचा – “माध्यम कोणतंही असलं तरी…”, मराठी कलाकारांबाबत शशांक केतकरचं मोठं विधान, अभिनेता म्हणाला, “मराठी कलाकार…”
‘सुख म्हणजे नक्की काय असतं’, ‘आई कुठे काय करते’ पाचव्या स्थानावर कायम आहेत. टीआरपीच्या यादीत स्टार प्रवाहच्या काही मालिका पहिल्या दहा टॉप मालिकांच्या यादीमध्ये कायम आहे. ‘ठरलं तर मग’ मालिकेत सध्या अनेक ट्विस्ट पाहायला मिळतं. आतापर्यंतच्या भागात प्रेक्षकांना सायलीच्या भूतकाळाबद्दल अनेक गोष्टी उलगडताना पाहायला मिळत आहेत.
हे देखील वाचा – “जास्त दारू प्यायली का?”, सुकन्या मोनेंच्या ‘त्या’ व्हिडिओवर महिलेची कमेंट, अभिनेत्री म्हणाली, “ही नशा…”
तर याच महिन्यात सुरु झालेल्या ‘प्रेमाची गोष्ट’ मालिका आता वेगळ्या वळणावर आली असून नुकतंच मालिकेत खलनायिकेची एन्ट्री झाल्याचे पाहायला मिळत आहे. टीआरपीच्या शर्यतीत या दोन मालिकांमध्ये जोरदार चुरस पाहायला मिळत आहे. पुढील आठवड्यात या दोन मालिका टीआरपीच्या शर्यतीमध्ये कोणत्या स्थानावर असणार? हे पाहणं औत्सुक्याचं ठरणार आहे.