मराठी सिनेसृष्टीमध्ये पडद्यावर दिसणाऱ्या जोड्यांवर प्रेक्षक अतोनात प्रेम करतात. तितकंच प्रेम हा प्रेक्षकवर्ग कलाकारांच्या खऱ्या आयुष्यातील जोडीवरही करताना पाहायला मिळतो. सध्या अनेक कलाकार मंडळी विवाहबंधनात अडकले असल्याचं पाहायला मिळालं. या नव्या जोड्यांना प्रेक्षकांनी भरपूर प्रेम केलं. त्यांना पाठिंबा दर्शविला. या नव्या जोड्यांमध्ये काही एव्हरग्रीन जोड्या अशा आहेत ज्या आजही प्रेक्षकांच्या तितक्याच आवडीच्या आहेत. (Aishwarya Narkar and Avinash Narkar Wedding Anniversary)
अशीच एक एव्हरग्रीन जोडी म्हणजे अभिनेत्री ऐश्वर्या नारकर व अभिनेते अविनाश नारकर. कलाकार म्हणून गेला अनेक काळ ही जोडी प्रेक्षकांचं भरभरून मनोरंजन करत आहे. अभिनयाबरोबरच ही जोडी त्यांच्या सोशल मीडियावर देखील विशेष चर्चेत असते. तरुण पिढीला लाजवेल असा उत्साह या जोडीचा असलेला पाहायला मिळतो. त्यांचे एकत्र ट्रेंडिंग गाण्यावरचे रिल सोशल मीडियावर मोठ्या प्रमाणात व्हायरल होताना पाहायला मिळतात.
आजही त्यांचा तो उत्साह तसेच काळानुसार पुढे जाण्याची वृत्ती प्रेक्षकांच्या विशेष पसंतीस पडते. तर काहींना त्यांचा हा उत्साह खटकतो. अनेकदा हे नारकर कपल ट्रोलींगची शिकार झालेले पाहायला मिळतात. अशातच अभिनेत्री ऐश्वर्या नारकर नेहेमीच ट्रोलर्सला सडेतोड उत्तर देताना दिसतात. ऐश्वर्या व अविनाश यांच्या लग्नाचा आज वाढदिवस आहे. लग्नाच्या वाढदिवानिमित्त त्यांनी सोशल मीडियावरून खास पोस्ट शेअर केली आहे. दोघांनी एकत्र फोटो, व्हिडीओ शेअर करत ““आमच्या सुखी वैवाहिक आयुष्याचे १० हजार २२७ दिवस” असं कॅप्शन या व्हिडीओ, फोटोला दिलं आहे. तसेच “२८ वर्ष एकत्र” असंही कॅप्शन त्यांनी दिलं आहे. त्यांच्या या पोस्टवर अनेकांनी त्यांना शुभेच्छा दिल्या आहेत.
ऐश्वर्या या ‘सातव्या मुलीची सातवी मुलगी’ या मालिकेत महत्त्वपूर्ण भूमिका साकारत आहेत. मालिकेतील रुपाली या त्यांच्या भूमिकेला प्रेक्षकांचं भभरून प्रेम मिळत आहे. ऐश्वर्या व अविनाश दोघेही त्यांच्या फिटनेसची देखील विशेष काळजी घेतात. त्यांच्या योगाचे देखील व्हिडीओ ते नेहमीच शेअर करताना दिसतात.
