आजवर मराठी चित्रपटांसह हिंदी सिनेसृष्टीत आपल्या अभिनयाची छाप पाडणारा कलाकार म्हणजे सिद्धार्थ जाधव. मराठीसह हिंदी सिनेसृष्टीतही सिद्धार्थने अभिनयाच्या जोरावर स्वतःचा असा चाहतावर्ग निर्माण केला. ‘अगंबाई अरेच्चा”, ‘जत्रा’, ‘साडेमाडे तीन’, ‘चांगभलं’, ‘माझा नवरा तुझी बायको’ या मराठी चित्रपटांमध्ये तर ‘गोलमाल’, ‘गोलमाल रिटर्न’, ‘फूल थ्री धमाल’ अशा हिंदी चित्रपटामध्ये सिद्धार्थने महत्त्वपूर्ण भूमिका साकारत प्रेक्षकांची मनं जिंकली. (siddharth jadhav award)
सिद्धार्थ जाधवचा सोशल मीडियावर ही बऱ्यापैकी वावर असलेला पाहायला मिळतो. सोशल मीडियावरही सिद्धार्थचा खूप मोठा चाहता वर्ग आहे. त्याच्या आगामी सिनेमाची चाहते मंडळी आतुरतेने वाट पाहत असतात. अशातच सोशल मीडियावरुन सिद्धार्थने शेअर केलेल्या एका पोस्टने साऱ्यांचंच लक्ष वेधून घेतले आहे. ही पोस्ट सिद्धार्थने आनंदाची बातमी देत शेअर केली आहे. नुकताच सिद्धार्थला सर्वोत्कृष्ट अभिनेता हा पुरस्कार देऊन गौरविण्यात आलं.
सिद्धार्थला दादासाहेब फाळके फिल्म फेस्टिवल २०२४ मध्ये ‘बालभारती’ या सिनेमासाठी सर्वोत्कृष्ट अभिनेत्याचा ज्युरी पुरस्कार मिळाला. त्यामुळे याबाबत पोस्ट शेअर करत माहिती दिली आहे. ही पोस्ट शेअर करत, “BEST ACTOR (JURY) बालभारती. नुकत्याच दिल्ली येथे झालेल्या चौदाव्या ‘दादासाहेब फाळके फिल्म फेस्टिवल २०२४’मध्ये आमचा सिनेमा ‘बालभारती’. यासाठी मला जुरीचं ‘बेस्ट ऍक्टर’ हे अवॉर्ड मिळालं. मनापासून आनंद होत आहे की, ‘बालभारती’ सिनेमातल्या कामाची राष्ट्रीय पातळीवर दखल घेतली जात आहे. काम करण्यासाठी तुम्ही जी मेहनत घेता त्यावर कोणीतरी कौतुकाची थाप देत आहे”.
पुढे त्याने असं लिहिलं आहे की, “देशभरातले सगळे रिजनल चित्रपट यात सहभागी झाले होते आणि त्यातून बालभारतीसाठी अवॉर्ड मिळणं ही माझ्यासाठी आनंदाची गोष्ट आहे”, त्याने असे खास कॅप्शन देत पोस्ट शेअर केली आहे. त्याच्या या पोस्टवर चाहतेमंडळींनी शुभेच्छांचा वर्षाव केला आहे.