‘टाईमपास’, ‘टकाटक’, ‘बीपी’, ‘उर्फी’ अशा अनेक चित्रपटातून अभिनेता प्रथमेश परब घराघरांत पोहोचला. काही दिवसांपूर्वीच प्रथमेश त्याच्या लग्नामुळे चर्चेत आला. प्रथमेशने त्याची गर्लफ्रेंड क्षितिजा घोसाळकरसह लग्नगाठ बांधली. दोघांच्या लग्नसोहळ्याची बरीच चर्चा रंगलेली होती. क्षितिजा व प्रथमेश बऱ्याच वर्षांपासून एकमेकांना डेट करत होते. २४ फेब्रुवारी रोजी प्रथमेश व क्षितिजा यांचा शाही विवाहसोहळा संपन्न झाला. चित्रपटांमधून प्रेक्षकांच्या भेटीस येणारा हा अभिनेता सोशल मीडियावरही तितकाच सक्रीय असतो. सोशल मीडियावर तो आपले अनेक फोटो व व्हिडीओ शेअर करत चाहत्यांच्या संपर्कात राहत असतो.
चित्रपटांमधून प्रेक्षकांच्या भेटीस येणारा हा अभिनेता सोशल मीडियावरही तितकाच सक्रीय असतो. सोशल मीडियावरटो आपले अनेक फोटो व व्हिडीओ शेअर करत चाहत्यांच्या संपर्कात राहत असतो. अशातच त्यांनी नुकताच शेअर केलेला एक व्हिडीओ चर्चेत आला आहे. प्रथमेश व क्षितिजा यांनी त्यांच्या लग्नातील हारांमधील गुलाबांपासून् एक खास वस्तु बनवली आहे. प्रथमेश-क्षितिजा यांनी त्यांच्या लग्नातील हारांमधील गुलाबांपासून घडयाळ बनवली आहे. याचाच खास व्हिडीओ शेअर करत त्यांनी यामागील कारणही सांगितले आहे.
आणखी वाचा – आईच्या आठवणीत आस्ताद काळे भावुक, वाढदिवसानिमित्त शेअर केली पोस्ट, म्हणाला, “दु:ख आहे पण…”
प्रथमेशने शेअर केलेल्या व्हिडीओबरोबरचं असं म्हटलं आहे की, “लग्न, आयुष्यातील खूप महत्त्वाचा दिवस आणि या दिवसातील प्रत्येक क्षण, गोष्टी आणि आठवणी कायम आपल्या मनाच्या हळव्या कोपऱ्यात असतांतच. या सगळ्या गोष्टींमध्ये, एक गोष्ट खास असते ती म्हणजे ‘वरमाला’. म्हणजे क्षतिजाला प्रपोज करताना दिलेलं गुलाब ते गुलाबाची वरमाला”.
आणखी वाचा – कधीही स्वयंपाकघरात न गेलेल्या शिवाची अशी होतेय तारांबळ, सिलेंडरही उचलला अन्…; मालिकेचा BTS व्हिडीओ समोर
यापुढे त्याने असं म्हटलं आहे की, “असं म्हणतात, आठवणी वस्तुरुपात बंदिस्त करता येत नाहीत, पण हिच वरमाला आणि तिच्याबरोबरच्या आठवणी कायम बरोबर राहतील असं छानसं गिफ्ट आम्ही तयार केलं आहे” दरम्यान, प्रथमेश-क्षितिजा यांनी शेअर केलेल्या या व्हिडीओखाली अनेकांनी त्यांना ही खास गोष्ट आवडल्याचे म्हटलं आहे. “खूप सुंदर”, “खूप छान”, “खूपच चांगली कल्पना आहे”, “तुमची जोडी खूप छान आहे” अशा अनेक कमेंट्स करत या व्हिडीओला प्रतिसाद दिला आहे.