‘महाराष्ट्राची हास्यजत्रा’ हा छोट्या पडद्यावरील लोकप्रिय कार्यक्रम गेली अनेक वर्ष प्रेक्षकांना मनमुराद हसवत आहे. तुफान विनोदी स्किट्स व कलाकारांचा अफलातून अभिनय यांमुळे हा कार्यक्रम प्रेक्षकांचा जवळचा बनला आहे. या कार्यक्रमातून अनेक कलाकारांची एक फॅन फॉलोविंग निर्माण झाली आहे. याच कार्यक्रमातून ‘कोळीवाड्याची रेखा’ म्हणजे अभिनेत्री वनिता खरात ही प्रेक्षकांच्या आवडता चेहरा बनली. आज तिचा स्वतःचा असा चाहतावर्ग निर्माण झाला आहे. (Vanita Kharat Workout)
वनिताने केवळ मालिकेपुरतं मर्यादित न राहता आपला मोर्चा चित्रपटाकडे वळवला. यामध्ये तिने तिच्या अभिनयातून प्रेक्षकांची मने जिंकली. ‘वाळवी’, ‘सरला एक कोटी’, ‘एकदा येऊन तर बघा’ हे मराठी चित्रपट तसेच ‘कबीर सिंग’ या हिंदी चित्रपटातून अभिनेत्रीने प्रेक्षकांच्या मनात छाप पाडली. गेली अनेक वर्ष विनोदी पात्रांमधून प्रेक्षकांना आपलंसं करणारी वनिता सोशल मिडियावरही बऱ्यापैकी सक्रिय असते, नेहमीच ती काही ना काही शेअर करुन चाहत्यांच्या संपर्कात राहत असते.
अशातच अभिनेत्रीने शेअर केलेल्या व्हिडीओमध्ये वनिता फिटनेसचे धडे घेताना दिसत आहे. नेहमीच वनिता तिच्या इन्स्टाग्राम अकाऊंटवरून फिटनेसचे, जिमचे अनेक व्हिडीओ शेअर करत असते. यावरून सध्या वनिता तिच्या फिटनेसकडे विशेष लक्ष देताना दिसत आहे. वनिताने तिच्या इन्स्टाग्राम अकाउंटवरुन जिम करतानाचा एक व्हिडीओ शेअर केला आहे. या व्हिडीओसह दिलेल्या कॅप्शनने साऱ्यांचं लक्ष वेधलं आहे. “थांबून चालणारच नाही आता” असं म्हणत वनिताने व्यायाम करतानाचा व्हिडीओ शेअर केला आहे.
वनिता खरातने शेअर केलेल्या जिमच्या कॅप्शनवरुन व व्हिडीओवरुन तिने नित्यनियमाने व्यायामाचा ध्यास घेतलेला पाहायला मिळत आहे. कलाकार मंडळी म्हटलं की त्यांना विशेषतः त्यांच्या फिटनेसकडे लक्ष हे द्यावंच लागतं. वनिताही तिच्या फिटनेसकडे लक्ष देत असून व्यायामाचे धडे घेताना दिसत आहे.