‘महाराष्ट्राची हास्यजत्रा’ या लोकप्रिय कार्यक्रमातून घराघरांत पोहोचलेले अभिनेते म्हणजे अरुण कदम. अरुण कदम यांनी आपल्या विनोदी शैलीनं प्रेक्षकांवर वेगळीच छाप उमटवली आहे. ‘लाडका दादूस’ म्हणून त्यांची चांगलीच लोकप्रियता आहे. अरुण कदम यांनी आजवर अनेक रिअ‍ॅलिटी शोजमधून विनोदी भूमिका साकारत प्रेक्षकांचे मनोरंजन केले आहे. सध्या ते ‘महाराष्ट्राची हास्यजत्रा’ या लोकप्रिय विनोदी कार्यक्रमातून प्रेक्षकांना खळखळून हसवण्याचं काम करत आहे.
आपल्या विनोदी भूमिकांनी चर्चेत असणारे हे अरुण कदम हे सोशल मीडियावरही तितकेच सक्रिय असतात. सोशल मीडियावर ते त्यांच्या पत्नी, लएक व नातवाबरोबरचे काही फोटो व व्हिडिओ शेअर करत असतात. अशातच त्यांनी शेअर केलेला एक व्हिडीओ सर्वांचे लक्ष वेधून घेत आहे. अरुण कदम यांच्या लेकीने व जवयाने मिळून नवीन व्यवसाय सुरु केला आहे आणि याबद्दलची खास पोस्ट त्यांनी सोशल मीडियावर शेअर केली आहे.
आणखी वाचा – बहिणीचा जीव वाचवण्यासाठी लीलाने एजेंशी केलं लग्न, घरात आल्यानंतर सूना कशा वागवणार? मोठा ट्विस्ट
अरुण कदम यांनी इन्स्टाग्राम अकाऊंटद्वारे एक व्हिडीओ शेअर केला असून या व्हिडीओखाली त्यांनी “माझे जावई आणि सुकन्या याचं कासारवडवली ठाणे येथे 27 पाल्म रेस्टॉरंट सुरू झाल्याबद्दल त्यांचे अभिनंदन व त्यांना खूप खूप शुभेच्छा” असं म्हटलं आहे. अरुण कदम यांनी शेअर केलेल्या या व्हिडीओमध्ये या हॉटेलची संपूर्ण झलक पाहायला मिळत आहे. अरुण कदम यांनी त्यांच्या संपूर्ण नातेवाईकांबरोबरचे काही खास फोटोही शेअर केले आहेत.
दरम्यान, अरुण कदम यांनी शेअर केलेल्या या व्हिडीओला चाहत्यांनी लाईक्स व कमेंट्स करत चांगलाच प्रतिसाद दिला आहे. तसेच त्यांच्या लेकीच्या या नवीन हॉटेलसाठी अनेकांनी लेकीचे अभिनंदन करत त्याला शुभेच्छाही दिल्या आहेत.
