‘जिच्या विनोदाला नाही ठाव’ अशी आपली वेगळी ओळख निर्माण करत ‘महाराष्ट्राची हास्यजत्रा’ या कार्यक्रमातून घराघरांत पोहोचलेली लोकप्रिय अभिनेत्री म्हणजे नम्रता संभेराव. ‘महाराष्ट्राची हास्यजत्रा’ यासारख्या अनेक कार्यक्रमांमधील विनोदी अभिनयाने तिने प्रेक्षकांची मनं जिंकली आहेत. आपल्या विनोदाच्या उत्तम टायमिंगच्या जोरावर तिने प्रेक्षकांना भरभरून हसवलं आहे. त्यामुळे सोशल मीडियावर तिचा प्रचंड मोठा चाहतावर्ग आहे. सोशल मीडियावर ती प्रचंड लोकप्रिय आहे. नाटक, मालिका, चित्रपट व विनोदी रिअॅलिटी शो अशा विविध माध्यमांतून चोख भूमिका साकारत नम्रताने प्रेक्षकांची मने जिंकली आहेत.
आपल्या अभिनयाने चर्चेत राहणारी ही अभिनेत्री सोशल मीडियावरही तितकीच सक्रीय असते. सोशल मीडियावर ती तिचे अनेक फोटो व व्हिडीओ शेअर करत असते. अशातच तिने इन्स्टाग्राम अकाऊंटद्वारे काही खास फोटो शेअर केले आहेत. नम्रताने नुकतेच नवीन शेतघर घेतले असून या नवीन शेतघराचे काही खास फोटो तिने सोशल मीडियाद्वारे शेअर केले आहेत. पुण्यातील जुन्नर येथे अभिनेत्रीचे नवीन शेतघर असून नुकतीच या घराची पूजा पार पडली आहे.
आणखी वाचा – “मला शहाणपणा शिकवू नका”, AI च्या वापराबद्दल सुबोध भावेचं रोखठोक मत, म्हणाला, “कलाकारांच्या पोटावर पाय…”
नम्रताने या नवीन घराच्या पूजेचे काही खास क्षण सोशल मीडियाद्वारे आपल्या चाहत्यांबरोबर शेअर केले आहेत. यामधील पहिल्या फोटोमध्ये ती तिच्या नवऱ्यासह उभी आहे. तसेच या फोटोमध्ये त्यांच्या मागे भव्य असे घरही पाहायला मिळत आहे. तसेच दुसऱ्या फोटोमध्ये नम्रता नवरा व मुलगा रुद्राजसह देवाची आरती करत असल्याचे पाहायला मिळत आहे. त्याचबरोबर तिने शेअर केलेल्या तिसऱ्या फोटोमध्ये नम्रता नवऱ्यासह पूजा करताना पाहायला मिळत आहे.
नम्रताने शेअर केलेले हे खास फोटो सध्या सोशल मीडियावर व्हायरल होत असून अनेकजण तिच्या नवीन शेतघराबद्दल कौतुक करत आहेत. अभिनंदन, खूप शुभेच्छा, क्या बात है, खूप सुंदर घर आहे, अप्रतिम अशा अनेक कमेंट्स करत नम्रताच्या चाहत्यांनी या फोटोला प्रतिसाद दिला आहे. दरम्यान, नम्रताचया कामाबद्दल बोलायचे झाले तर नुकतीच ती ‘नाच गं घुमा’ या चित्रपटांत झळकली होती. या चित्रपटाची चांगलीच चर्चा झाली होती.