सध्या दिवाळीनिमित्त सर्वत्र आनंदाचं व उत्साहाचं वातावरण पाहायला मिळत आहे. प्रत्येकजण आपल्या प्रियजनांसह यंदाचा दिवाळी सण साजरा करत आहे. अशातच मराठीतील कलाकारदेखील दिवाळी साजरी करण्यात व्यस्त आहेत. ते दिवाळी साजरी करतानाचे अनेक फोटोस चाहत्यांबरोबर शेअर करताना दिसत आहेत. ‘महाराष्ट्राची हास्यजत्रा’ या कार्यक्रमातील अभिनेता प्रसाद खांडेकर याने देखील यंदाची दिवाळी त्याच्या कुटुंबीय व प्रियजनांबरोबर साजरा केली आहे. याचे काही खास क्षण त्याने सोशल मीडियावरून शेअर केले आहेत. (Prasad Khandekar Shared Diwali Special Photos)
प्रसादने त्याच्या इन्स्टाग्राम अकाऊंटद्वारे दिवाळीनिमित्त काही खास फोटो शेअर केले आहेत. ज्यात तो त्याचे मित्र आणि कुटुंबीयांबरोबर दिवाळी साजरी करताना दिसत आहे. प्रसादने शेअर केलेला पहिला फोटो हा त्याच्या नवीन घरातला असून या फोटोत हास्यजत्रेमधील कलाकार प्रथमेश शिवलकर दिसत आहे. त्याचबरोबर त्याचे काही इतर मित्रदेखील दिसत आहेत. दुसऱ्या फोटोमध्ये प्रसादचे मित्र त्यांच्या कुटुंबीयांबरोबर दिसत आहेत. तर तिसऱ्या फोटोतदेखील प्रसादने त्याच्या मित्रांबरोबर आणि कुटुंबीयांबरोबरचे फोटो शेअर केले आहेत.
आणखी वाचा – निरागस चेहरा, आगळीवेगळी हेअरस्टाईल अन्…; ‘या’ फोटोतील चिमुकल्याला ओळखलं का? आज आहे मराठीतील दिग्गज अभिनेता
हे फोटो शेअर करत प्रसादने “ह्या गाठीभेटीसाठीचं मला दिवाळी सण जास्त आवडतो” असं हटके कॅप्शनदेखील लिहिलं आहे. यापुढे प्रसादने असे म्हटले आहे की, “भेटा, गप्पा मारा, हसा, आठवणी शेअर करा, फराळ खा, फराळाची देवाणघेवाण करा, छान छान कपडे घाला, मिरवा, खर्च करा, मिठाई वाटा, गिफ्ट्स द्या, गिफ्ट्स घ्या, आशीर्वाद घ्या, आशीर्वाद द्या आणि चैतन्याची उधळण करा…” यापुढे त्याने त्याच्या चाहत्यांना “यंदाची दिवाळी तुम्ही देखील आनंदाने साजरी करा” असं म्हणत दिवाळीच्या मंगलमय शुभेच्छा दिल्या आहेत.
दरम्यान आपल्या विनोदी अभिनयाने कायम चर्चेत असणाऱ्या प्रसादचा येत्या काही दिवसांतच ‘एकदा येऊन तर बघा’ हा चित्रपट प्रेक्षकांच्या भेटीला येणार आहे. त्याने दिग्दर्शित केलेला हा त्याचा पहिलावहिला मराठी चित्रपट आहे. त्यामुळे त्याच्या आगामी चित्रपटासाठी तो तर उत्सुक आहेच. पण त्याच्या चाहतेदेखील या चित्रपटासाठी खूप आतुर आहेत.