सर्वत्र दिवाळीची धामधूम पाहायला मिळत आहे. दिवाळीनिमित्त सर्वसामान्यांपासून ते अगदी कलाकार मंडळींपर्यंत सगळेचजण दिवाळी साजरी करण्यात मग्न असलेले पाहायला मिळत आहेत. दिवाळी साजरी करतानाचे अनेक फोटोस, व्हिडीओस ते सोशल मीडियावरून चाहत्यांसह शेअरही करत आहेत. प्रत्येकजण आपापल्या परीने दिवाळी साजरी करत आहे. काहींनी दिवाळी सणाचे औचित्य साधत घर, गाडी, मोबाईल घेतल्याच्या गुडन्यूज चाहत्यांसह शेअरही केल्या आहेत. (Shweta Ambikar New car)
अशातच छोटा पडदा गाजवणाऱ्या एका मराठमोळ्या अभिनेत्रीने नवी कोरी गाडी खरेदी केली असल्याची आनंदाची बातमी चाहत्यांसह शेअर केली आहे. ही अभिनेत्री म्हणजे ‘मुलगी झाली हो’, ‘रमा राघव’ मालिकांमधून लोकप्रिय झालेली अभिनेत्री श्वेता अंबिकर. श्वेताने तिच्या अभिनयकौशल्याने छोटा पडदा चांगलाच गाजवला. सध्या श्वेता रमा राघव या मालिकेतून प्रेक्षकांच्या भेटीस येत आहे.
श्वेता सोशल मीडियावरही बऱ्यापैकी सक्रिय असते. ती नेहमीच काही ना काही पोस्ट करून चाहत्यांच्या संपर्कात राहत असते. अशातच श्वेताच्या इंस्टाग्राम अकाउंटवरील एका पोस्टने साऱ्यांचं लक्ष वेधून घेतलं आहे. श्वेताने तिच्या चाहत्यांसह एक आनंदाची बातमी शेअर केली आहे. यांत एक व्हिडीओ शेअर करत अभिनेत्रीने नवी कोरी आलिशान गाडी खरेदी केली असल्याची गुडन्यूज शेअर केली. गाडी खरेदी करतानाचा एक व्हिडीओ तिने चाहत्यांसह शेअर केला आहे. दिवाळीचं औचित्य साधत श्वेताने नवी गाडी खरेदी केली आहे.
गाडी खरेदी करताना तिने तिच्या कुटुंबियांबरोबर हजेरी लावली होती. या व्हिडिओमध्ये असं पाहायला मिळतंय की, श्वेताने गाडी खरेदी केल्यानंतर स्वतः ड्राईव्ह करत कुटुंबियांना घेऊन फेरफटका मारला. श्वेताच्या या पोस्टवर ओमप्रकाश शिंदे, अश्विनी महांगडे, नंदिता पाटकर, ऐश्वर्या शेट्ये या कलाकार मंडळींनी कमेंट करत तिचं कौतुक केलं आहे. तर श्वेताच्या चाहत्यांनीही तिच्या या आनंदात सहभागी होत तिच्यावर शुभेच्छांचा वर्षाव केला आहे. ‘दुर्वा’, ‘दिल दोस्ती दुनियादारी’, ‘स्वराज्यरक्षक संभाजी’ या मालिकांमधून श्वेताने प्रेक्षकांच्या मनात घर केलं. मात्र श्वेताला खऱ्या अर्थाने लोकप्रियता मिळाली ती ‘मुलगी झाली हो’ आणि ‘रमा राघव’ या मालिकांमुळे.