‘बाईपण भारी देवा’ या चित्रपटाला प्रेक्षकांच भरभरून प्रेम मिळत आहे.बॉक्सऑफिसवर या चित्रपटाने अक्षरशः धुमाकूळ घातला आहे.सैराट आणि वेड या चित्रपटानंतर बाईपण भारी देवा या चित्रपटाला जो प्रतिसाद मिळतो आहे ते पाहून मराठी कलाकारांसोबत प्रेक्षक ही तितकेच भारावून गेले आहेत.याच श्रेय चित्रपटाच्या संपूर्ण टीमला नक्कीच जातं पंरतु ज्या सहा अभिनेत्रींनी त्यांच्या सहज सुंदर अभिनयाने प्रेक्षकांना भुरळ घातली त्यांचं विशेष कौतुक होताना पाहायला मिळत आहे. (kedar shinde bai pan bhari deva)
अनेकदा मुलाखतीमध्ये केदार शिंदेनी सांगितलं आहे की ते स्वामींचे भक्त आहेत. बाईपण भारी देवा चित्रपटाला मिळत असणाऱ्या भरघोस यशानिमित्त नुकतीच एक success Party पार पडली.या पार्टीचे अनेक व्हिडिओ सोशल मीडियावर मोठ्या प्रमाणात वायरल झालेले पाहायला मिळाले. या पार्टीनंतर केदार शिंदेंसोबत एक खास गोष्ट घडली या बदल त्यांनी त्यांच्या सोशल मीडिया अकाउंट वरून एक पोस्ट शेअर केली आहे.
पाहा काय आहे केदार शिंदेची खास पोस्ट? (kedar shinde bai pan bhari deva)
केदार शिंदेनी स्वामींच्या मठामधला पत्नीसोबतचा एक फोटो त्यांच्या इंस्टाग्राम अकाउंट वर पोस्ट केला आहे त्या फोटोच्या कॅप्शन मध्ये त्यांनी म्हंटल आहे,काल “बाईपण भारी देवा” च्या यशाची पार्टी झाली. त्याचे फोटो व व्हिडीओ वायरल होतायत. पण खऱ्या अर्थाने आज यशाची पोचपावती मिळाली. विलेपार्ले श्री स्वामी समर्थ मठात, श्री.कंटक गुरूजींनी बोलावून यथोचित सन्मान केला. आणि ही सुंदर श्री स्वामी समर्थ मुर्ती भेट दिली. स्वामी घरी आले. (kedar shinde bai pan bhari deva)
पडद्यासमोर दिसणाऱ्या कलाकारांचं तर प्रेक्षक कायमच कौतुक करतात.परंतु बाईपण भारी देवा या चित्रपटामुळे दिग्दर्शक केदार शिंदे यांचं देखील विशेष कौतुक होताना पाहायला मिळत आहे. महाराष्ट्र शाहीर च्या पाठोपाठ केदार शिंदेनी बाईपण भारी देवा सारखा एक उत्तम मराठी चित्रपट प्रेक्षकांच्या भेटीला आणला आणि प्रेक्षकांचं मन जिंकलं.
हे देखील वाचा : “मला बाई फार आवडला नाही”- ‘बाईपण भारी देवा’ चित्रपटाबद्दल विजू मानेंची पोस्ट चर्चेत
