करिश्मा कपूरचे पूर्वाश्रमीचे पती संजय कपूर यांचं १२ जूनला इंग्लंडमध्ये निधन झालं. पोलो खेळ खेळत असताना त्यांना हृदयविकाराचा झटका आला. दरम्यान रुग्णालयामध्ये नेण्यात आलं. मात्र अवघ्या ५०शीमध्येच संजय यांनी अखेरचा श्वास घेतला. या घटनेला सहा ते सात दिवस उलटून गेले तरीही त्यांचं पार्थिव अजूनही कुटुंबियांच्या हाती आलेलं नाही. याबाबत बरेच प्रश्नही उपस्थित केले जात आहेत. संजय यांची तिसरी पत्नी प्रिया सचदेवही बेपत्ता असल्याचं बोललं जात आहे. या सगळ्या अडचणींमध्ये आता करिश्माने संजय यांच्यावर केलेले आरोप पुन्हा एकदा चर्चेत आले आहेत. (sunjay kapur karisma kapoor allegations)
नंदिता महितानी व करिश्मा कपूर संजय यांच्या पूर्वाश्रमीच्या पत्नी आहेत. दोन घटस्फोट झाल्यानंतर संजय तिसरी पत्नी प्रिया सचदेवसह सुखाने संसार करत आहेत. दोघांना अजरियास नावाचा सहा वर्षांचा मुलगाही आहे. २०१६मध्ये संजय यांच्यावर करिश्माने अनेक आरोप केले. या आरोपांना संजय यांनीही कायदेशीर स्वरुपात उत्तर दिलं. दरम्यान करिश्माला त्यांनी ७० कोटी रुपये पोटगी दिली असल्याचंही वृत्त समोर आलं होतं. तसेच मुलांना त्यांनी महागडे गिफ्टही दिले.
पोलो खेळ खेळण्यातच संजय दंग असायचे. यादरम्यान त्यांनी कुटुंबाकडे दुर्लक्ष केलं असल्याचे अनेक आरोप करिश्माने केले होते. २००३मध्ये करिश्मा व संजय यांनी लग्न केलं. २०१६मध्ये त्यांचा घटस्फोट झाला. दरम्यान घटस्फोटाची प्रक्रिया सुरु असताना मानसिक व शारीरिक शोषण केले असल्याचे आरोप करिश्माने संजय यांच्यावर केले होते. हनिमूनला स्वतःच्या मित्रांबरोबर वेळ घालवण्यासाठी करिश्मावर जबरदस्ती केली असल्याचाही दावा तिने केला होता.
संजय करिश्माला नेहमी मारायचे. मारहाण केल्याचे निशाण ती मेकअपने लपवत असल्याचंही करिश्माने सांगितलं होतं. करिश्माने कोर्टात सांगितलं होतं की, संजय यांना पोलो या खेळाची अधिकच आवड होती. मुलगा कियान चार महिन्याचा असताना आजारी होता. तेव्हा सगळं सोडून ते पोलो खेळ खेळायला गेले. करिश्माने सांगितलेलं की, “मी प्रसिद्ध व यशस्वी अभिनेत्री होती म्हणूनच संजयने माझ्याशी लग्न केलं होतं. मीडियामध्ये सतत चर्चेत राहणं त्यासाठी सोपं झालं होतं”. मात्र घटस्फोटानंतरही मुलांसाठी दोघं संपर्कात होते अशा चर्चा होत्या.
