Raqesh Bapat And Riddhi Dogra : ‘बिग बॉस’च्या सहाव्या सीझनमध्ये दमदार खेळामुळे अभिनेता राकेश बापट सध्या प्रचंड चर्चेत आहे. या शोदरम्यान तो अनेकदा आपल्या वैयक्तिक आयुष्याबद्दल मोकळेपणाने बोलताना दिसला. विशेष म्हणजे त्याने त्याची पहिली पत्नी आणि अभिनेत्री रिद्धी डोगरा हिच्याबद्दलही मनमोकळेपणाने भाष्य केले. त्याने त्यांच्या घटस्फोटाबद्दलची आठवण घरातील सदस्य राखी सावंत हिला सांगितली.
राकेशने सांगितले की, “जेव्हा आम्ही ‘नच बलिये’ हा शो केला होता, तेव्हा मला रिद्धीला उचलताना पाठ दुखावली होती. ती पंजाबी आहे ना, पण खूप चांगली आहे. मी तिला खूप मिस करतो. आमचं जवळपास आठ वर्षांचं नातं होतं. २०२० मध्ये आमचा घटस्फोट झाला.”घटस्फोटाबद्दल बोलताना त्याने एक वेगळीच आठवण शेअर केली. “आमचा डिव्होर्स खूप ‘कूल’ पद्धतीने झाला. आम्ही बांद्रा कोर्टात गेलो होतो. तिथे घटस्फोटासाठी आलेली इतर कपल्स तणावात होती, पण आम्ही मात्र निवांत होतो आणि इतरांबद्दल गप्पा मारत होतो,” असे तो म्हणाला.
आणखी वाचा – ‘बिग बॉस’मधून प्राजक्ता शुक्रेची एक्झिट, गायिकेचा गेम दिसलाच नाही म्हणून…; सोशल मीडियावर चर्चा
यानंतर राखी सावंतने त्याला विचारले की, “आठ वर्ष तुम्ही रिलेशनमध्ये होता, मग मुलाबाबत विचार का केला नाही?” यावर राकेशने उत्तर दिले की त्यांनी मुलाबाबत विचार केला होता, मात्र काही अडथळे आले. “जर मुलं असती, तर कदाचित परिस्थिती वेगळी असती. आमचं एकमेकांशी चांगलं जमत होतं. पण दोघंही कामानिमित्त बाहेर असताना मुलांसाठी कायम नॅनीवर अवलंबून राहणं योग्य वाटत नव्हतं,” असे त्याने स्पष्ट केले. राकेशने शेवटी रिद्धीबद्दल सांगत व्यक्त झालं. त्याच्या या वक्तव्यामुळे दोघांच्या नात्याबद्दल पुन्हा एकदा चर्चा रंगली आहे
आणखी वाचा – “हा शो स्क्रिप्टेड नाही” , राखीने केलेल्या कृतीवर रितेश भडकला ; म्हणाला, “इथे खेळायचं नाही…”
