taarak mehta ka ooltah chashmah bagha : ‘तारक मेहता का उल्टा चष्मा’ या लोकप्रिय टीव्ही शोमध्ये बाघाची भूमिका साकारून प्रसिद्ध झालेला तन्मय वेकारिया अलीकडेच सेटवर भावूक झाला. तन्मय आपल्या आईला आठवून इतका रडला की असित मोदीला शूटिंग अर्ध्यातच थांबवावे लागले आणि तो अभिनेत्याची काळजी घेताना दिसला. ‘तारक मेहता…’च्या सेटवरील एक व्हिडीओ सोशल मीडियावर समोर आला आहे, जो पाहून चाहतेही भावूक झाले आहेत. तन्मय वेकारिया हा सीन करताना भावूक झाला आणि ढसाढसा रडला असे व्हिडीओमध्ये दिसत आहे. हे पाहून शोचे निर्माते असित मोदी यांनी त्याचे सांत्वन केले आणि त्याला सांभाळून घेताना दिसले.
‘ईटाईम्स’ने दिलेल्या माहितीनुसार, सूत्रांनी सांगितले की, तन्मय वेकारिया बाघा आणि बावरीच्या प्रेमकथेशी संबंधित एक सीन शूट करत होता. पण कॅमेरा फिरू लागताच तन्मय भावूक झाला. वास्तविक, तन्मय वेकरियाच्या आईला बाघाच्या भूमिकेत तो खूप आवडला होता, पण नुकतेच त्यांचे निधन झाले. सध्या या शोमध्ये बाघा आणि बावरीच्या प्रेमकथेचा ट्रॅक दाखवला जात आहे, जो प्रेक्षकांना खूप आवडला आहे. पण प्रेक्षकांचे आपल्यावरचे हे प्रेम पाहण्यासाठी आणि त्याला बाघाच्या रूपात पाहण्यासाठी आता त्याची आई या जगात नाही याचे दुःख तन्मयला सहन होत नाही आणि तो रडायला लागतो. तन्मय वेकारियाची अवस्था पाहून सेटवरील वातावरण दुःखात बदलले आणि सर्वांचे डोळे पाणावले.
आणखी वाचा – वयाच्या ६०व्या वर्षी लग्न, फेसबुकवर झालं प्रेम आणि…; ‘लगान’ फेम अभिनेत्रीची प्रेमकहाणी, पती आहेत…
यावेळी शूटिंगही थांबवण्यात आलं होतं. असित मोदी व्यतिरिक्त ‘तारक मेहता का उल्टा चष्मा’चे निर्माते आणि बाकीची टीम तन्मय वेकरियाकडे गेली आणि त्याला मॅनेज करायला सुरुवात केली. यानंतर तन्मयने त्याच्या आईच्या अनेक गोड आठवणी शेअर केल्या आणि ती ‘बाघा’चा प्रत्येक एपिसोड पाहण्यासाठी कशी आतुरतेने वाट पाहायची हे सांगितले. त्याने सांगितले की जेव्हा जेव्हा प्रेक्षक त्याच्या अभिनयाचे कौतुक करायचे तेव्हा त्याची आई खूप खुश व्हायची. जेव्हा कलाकार आणि क्रूने हे शब्द ऐकले तेव्हा सेटवरील वातावरण खूपच भावूक झाले.
आणखी वाचा – ‘तुला पाहता’ चित्रपटाच्या निमित्ताने नचिकेत लेलेची नवी इनिंग, पार्श्वगायक म्हणूनही जबाबदारी सांभाळणार
2025 मध्ये तन्मय वेकारियाच्या आईचे निधन झाले. त्यानंतर ऑक्टोबरमध्ये, अभिनेत्याने त्याच्या आईचा एक व्हिडीओ इंस्टाग्रामवर शेअर केला आणि एक भावनिक पोस्ट लिहिली, ज्याने चाहत्यांचीही ह्रदये तोडली. तन्मयने लिहिलं होतं की तो यापुढे आईला मिठी मारू शकत नाही, समोरून पाहू शकत नाही. तो त्यांना नेहमी लक्षात ठेवेल.
