Famous Actress and Actor Wedding News : मराठी टेलिव्हिजन इंडस्ट्रीमध्ये सध्या लग्नसराईचा माहोल सुरू असताना आणखी एका लोकप्रिय जोडीकडून चाहत्यांना आनंदाची बातमी मिळाली आहे. स्टार प्रवाह वाहिनीवरील ‘वचन दिले तू मला’ या मालिकेतील अभिनेत्री अनुष्का सरकटे आणि ‘कारभारी लयभारी’ या मालिकेतील अभिनेता निखिल चव्हाण यांचा नुकताच सुपारी फोडण्याचा कार्यक्रम पार पडला आहे. याचसह अनुष्का आणि निखिलने त्यांच्या नात्याची अधिकृत घोषणा केली आहे. दोघांनी ‘कारभारी लयभारी’ या मालिकेत एकत्र काम करताना प्रेक्षकांची मनं जिंकली होती.
मालिकेतील त्यांच्या केमिस्ट्रीला प्रचंड प्रतिसाद मिळाला होता. आता हीच जोडी खऱ्या आयुष्यातही एकत्र येणार असल्याने चाहत्यांमध्ये उत्सुकता वाढली आहे.
या सुपारी फोडण्याच्या कार्यक्रमाचे खास व्हिडीओ सोशल मीडियावर व्हायरल होत आहे, समोर आलेल्या या व्हिडीओमध्ये अनुष्का पारंपरिक लाल साडीत अतिशय सुंदर दिसत आहे. तिच्या लूकला लाल बांगड्या आणि डायमंड नेकलेसची जोड मिळाली आहे. दुसरीकडे निखिलने निळा शर्ट आणि काळी पँट असा साधा पण आकर्षक लुक कॅरी केला आहे. दोघेही आपल्या कुटुंबीयांसोबत हा खास क्षण साजरा करताना दिसत आहेत. ऑनस्क्रीन सुरू झालेलं हे नातं आता खऱ्या आयुष्यात नवीन टप्प्यात प्रवेश करत आहे. त्यामुळे त्यांच्या लग्नाच्या बातमीकडे आता सर्वांचं लक्ष वेधून राहिलं आहे.
आणखी वाचा- सुप्रसिद्ध दिग्दर्शक दुसऱ्यांदा झाला बाबा, घरी आली चिमुकली परी, स्पेशल पोस्टद्वारे दिली गुडन्यूज
याशिवाय, अभिनेत्री अनुष्का सरकटे आणि अभिनेता निखिल चव्हाण यांनी त्यांच्या सुपारी फोडण्याच्या कार्यक्रमाचे एकही फोटो अद्याप अधिकृत सोशल मीडिया अकाउंटवर शेअर केलेले नाहीत. त्यामुळे हे खास क्षण ते चाहत्यांसोबत नेमके कधी शेअर करणार?, याची उत्सुकता आता साऱ्यांनाच लागून राहिली आहे.
आणखी वाचा- कॅन्सर सर्जरीनंतर दीपिका कक्करची तब्येत पुन्हा बिघडली, दुसऱ्यांदा झाला हा आजार, लेकाची वाटतेय काळजी
