Deepali Sayed Home Coming : ‘बिग बॉस मराठी’ सीझन ६ हा पर्व आता संपला आहे. यंदाच्या या सीझनने रसिकांच्या मनात घर केलं. यंदाच्या या पर्वात अभिनेत्री दीपाली सय्यद बरीच चर्चेत राहिली. दीपालीने ‘बिग बॉस’च्या घरातील १०० दिवसांचा प्रवास पूर्ण केला. टॉप ५ स्पर्धकांपैकी ती एक होती. मात्र अंतिम टप्प्यात येताच दीपालीचा प्रवास संपला. आणि तिला घराबाहेर पडावं लागलं. शेवटच्या टप्प्यात असताना दीपालीला अनेकांनी पैशांनी भरलेली पेटी घेण्याचा सल्ला दिला. मात्र तिने हे पाच लाख रुपये नाकारले. आणि ती घराबाहेर पडली. इतकंच नाहीतर आता घराबाहेर येताच स्वतःच्या घरी जाताच दीपालीच तिच्या कुटुंबियांनाही जंगी स्वागत केलं. याचा व्हिडीओ शेअर करत तिने ‘बिग बॉस’च्या घरातील १०० दिवसांचा प्रवास काही मोजक्या शब्दांत मांडला आहे. या व्हिडीओमध्ये घरी जाताच आणि कुटुंबियांना भेटताच दीपाली खूपच खुश असल्याचं दिसलं.
दीपालीने शेअर केलेल्या व्हिडीओमध्ये घरी येताच दीपालीच्या श्वानांनी तिचं स्वागत केलं. इतकंच नाहीतर औक्षण करत कुटुंबीयांनी तिला घरात घेतलं. यानंतर पहिल्यांदाच आजी झालेल्या दीपालीने तिच्या नातीला जवळ घेतलं. आईला तिने एक घट्ट मिठी मारली. केक कट करत तिने सगळ्यांना भरवला. या व्हिडीओमधील एक भावनिक क्षण म्हणजे दीपालीची मदतनीस दीपालीला १०० दिवसांनी घरी आलेली पाहताच रडू लागली. यावेळी दीपालीने तिला धीर दिला.
आणखी वाचा – “सुपारी फुटली, लग्न ठरलं” सुप्रसिद्ध अभिनेत्री-अभिनेता अडकणार लग्नबंधनात; सोशल मीडियावर VIDEO VIRAL
हा व्हिडीओ सध्या तुफान व्हायरल होत आहे. या व्हिडीओखाली कॅप्शन देत तिने लिहिलं आहे की, “शंभर दिवस… घरापासून आणि स्वतःच्या लोकांपासून लांब राहणं किती कठीण असतं, हे या प्रवासाने शिकवलं. तो मानसिक ताण, ते टास्क आणि प्रत्येक क्षणाला होणारी घरची ओढ… हे सगळं आज एका क्षणात विरघळून गेलं. उंबरठ्यावर पाऊल ठेवताच घरच्यांचा चेहऱ्यावरचा आनंद पाहून खूप छान वाटलं. हा प्रवास खडतर होता, पण तुमच्या प्रेमामुळे आणि पाठिंब्यामुळे मी तो पूर्ण करू शकली”.
आणखी वाचा – कॅन्सर सर्जरीनंतर दीपिका कक्करची तब्येत पुन्हा बिघडली, दुसऱ्यांदा झाला हा आजार, लेकाची वाटतेय काळजी
‘बिग बॉस’च्या घरात असताना दीपालीच्या आयुष्यात एक दुःखद घटना घडली. तिच्या सासूचं निधन झालं. ही गोष्ट बरेच दिवस दीपालीपासून लपवून ठेवली होती. मात्र, फॅमिली वीकमध्ये दीपालीला हे सत्य कळलं. तेव्हा तिच्या अश्रूंचा बांध फुटला.
