बॉलिवूड विश्वातील काही लोकप्रिय जोड्यांपाइकी एक जोडे म्हणजे अभिनेता रानवीर सिंह व अभिनेत्री दीपिका पदूकोण. दीपिका-रणवीर ही जोडी सोशल मीडियावरदेखील तितकीच सकीय असते. गेल्या काही दिवसांपासून दीपिका पादुकोणच्या प्रेग्नंसीची चर्चा सर्वत्र रंगली होती. मात्र याबद्दल दीपिका व रणवीर या दोघांनी अधिकृत घोषणा केली नव्हती. अशातच आता दीपिका व रणवीरने सोशल मीडियाद्वारे दीपिकाच्या प्रेग्नंसीची अधिकृत घोषणा केली आहे.
दीपिका व रणवीर यांनी त्यांच्या इन्स्टाग्राम अकाऊंटद्वारे चाहत्यांना एक गुडन्यूज दिली आहे. लवकरच दोघे आई-बाबा होणार असल्याची आनंदाची बातमी त्यांनी चाहत्यांसह शेअर केली आहे. दरम्यान, त्यांनी शेअर केलेल्या पोस्टमध्ये सप्टेंबर २०२४मध्ये बाळाला जन्म देणार असल्याचं समजत आहे. दोघांची ही पोस्ट सध्या तुफान व्हायरल झाली असून सर्वच क्षेत्रातून त्यांच्यावर शुभेच्छांचा वर्षाव होताना दिसत आहे. या पोस्टवर हिंदीसह मराठी कलाकारांनीदेखील त्यांना या गुडन्यूजसाठी शुभेच्छा दिल्या आहेत.
आणखी वाचा – “माझ्या वैयक्तिक आयुष्याबाबत…”, लग्नाच्या चर्चांवर तापसी पन्नूने सोडलं मौन, म्हणाली, “मी कधीही…”
अभिनेत्री माधुरी दीक्षित, साक्षी गांधी, अमृता खानविलकर, क्षिती जोग, शमिका भिडे, सुरुची अडारकर, मृणाल ठाकूर, शिल्पा राव यांसह अभिनेता सिद्धार्थ जाधव आदी मराठी कलाकारांनी त्यांना कमेंट्स करत त्यांना शुभेच्छा दिल्या आहेत. तसेच त्यांचे अभिनंदनही केले आहे. तसेच बिपाशा बासू, आलिया भट्ट, शिल्पा राव आदी बॉलिवूड कलाकारांनीदेखील तिला कमेंट्सद्वारे शुभेच्छा दिल्या आहेत. तसेच रणवीर-दीपिकाच्या अनेक चाहत्यांनीदेखील कमेंट्सद्वारे त्यांचे अभिनंदन केले आहे.
दरम्यान, रणवीर-दीपिका यांची हटके लव्हस्टोरी ‘गोलियों की रासलीला राम-लीला’ या चित्रपटापासून सुरु झाली. या चित्रपटात दोघांनी पहिल्यांदा एकत्र काम केले होते. त्यानंतर दोघे ‘बाजीराव-मस्तानी’ व ‘पद्मावत’ या चित्रपटात एकत्र झळकले. सहा वर्ष एकमेकांना डेट केल्यानंतर रणवीर-दीपिकाने १४ नोव्हेंबर २०१८ रोजी लग्नगाठ बांधली. इटलीमध्ये दोघांच्या शाही विवाहसोहळा पार पडला. त्याननंतर आता सहा वर्षांनी त्यांनी चाहत्यांबरोबर गुडन्यूज शेअर केली आहे.
