‘झी मराठी वाहिनी’वरील ‘चला हवा येऊ द्या’ या कार्यक्रमाने महाराष्ट्रातील जनतेला खळखळुन हसायला भाग पाडले. या कार्यक्रमामध्ये काम केलेल्या प्रत्येक कलाकाराने प्रेक्षकांच्या मनात एक वेगळी जागा निर्माण केली आहे. त्यातील एक कलाकार म्हणजे भाऊ कदम. भाऊ कदम यांनी कार्यक्रमाच्या सुरुवातीपासूनच संपूर्ण महाराष्ट्राला खळखळून हसवले. निरागस चेहरा, उत्तम अभिनय आणि विनोदाचे अचूक टायमिंग यामुळे त्यांनी या कार्यक्रमाची शान जपली. त्यांच्या सुपरहिट अभिनयामुळे त्यांनी मराठीममध्ये अनेक चित्रपटांमध्येही काम केलेले दिसून आले आहेत. पण एकदा त्यांनी ब्रेक घेत आपल्या कोकणातल्या घराला भेट दिली. त्यांची मुलगी मृण्मयी कदमने नुकताच युट्युब चॅनलवर एक व्हिडीओ अपलोड केला आहे. (bhau kadam home)
सिंधुदुर्ग जिल्ह्यातील कणकवली येथील सावडाव हे भाऊ कदम यांचं मूळगाव आहे. त्यांचं कोकणातील घर हे तब्बल ५० वर्ष जुने असून त्यांच्या घराशेजारी छोटीशी विहीर आणि नारळाचं झाड देखील आहे. मातीच्या घरापासून हे घर बांधण्यात आलं असून त्यांच्या घराजवळचं परिसर अतिशय निसर्गरम्य असा आहे. कोकण म्हणजे लाल मातीची कौलारू घरं भाऊचं घर देखील अगदी तसंच आहे. प्रशस्त घर, घरासमोर आंगण, वेगवेगळ्या खोल्या दिसून येत आहेत.
तसेच भाऊच्या घराला माळा असलेला देखील पाहायला मिळत आहे. तसेच घराच्या बाहेर भलेमोठे फणसाचे झाड देखील पाहायला मिळत आहे. भाऊंच्या या घराला प्रेक्षकांनी खूप पसंत केले आहे. त्यांनंतर भाऊ गावाची सफर करतानादेखील दिसत आहेत. यावेळी गावाच्या मैदानात मुलांना क्रिकेट खेळताना पाहिल्यानंतर भाऊ यांनी देखील क्रिकेट खेळण्याचा आस्वाद घेतला.
त्यांच्या कामाबद्दल बोलायचे झाले तर सध्या ते ‘चला हवा येऊ द्या’ या कार्यक्रमाची सांगता झाल्यानंतर आता ते नीलेश साबळेबरोबर ‘हसताय ना? हसायलाच पाहिजे!!’ या कार्यक्रमात दिसणार आहेत. यामध्ये त्यांच्याबरोबर अभिनेता ओंकार भोजनेची धमाल कॉमेडी पाहायला मिळणार आहे.तसेच काही मराठी चित्रपटांमध्ये दिसण्याचीही शक्यता आहे.