बॉलीवूड अभिनेत्री शिल्पा शेट्टी व तिचा नवरा राज कुंद्रा यांच्या समस्या संपायचे नाव घेत नाहीत. काही कालावधीपूर्वी राजला अश्लील चित्रपटाची निर्मिती केल्याप्रकरणी तुरुगाची हावा खावी लागली होती. त्यानंतर त्याची सुटकाही झाली मात्र आता पुन्हा एकदा तो कायद्याच्या कचाट्यात सापडला आहे. गुरुवारी इडीने राज व शिल्पा यांची तब्बल ९७ कोटी रुपयांची संपत्ती जप्त केली आहे. या संपत्तीमध्ये त्यांचा एक फ्लॅट देखील आहे. जप्तीनंतर राजने सोशल मीडियावर एक पोस्ट शेअर केली असून सध्या अधिक चर्चेत आली आहे. (raj kundra instagram post)
इडीच्या कारवाईनंतर राज पुन्हा एकदा कायद्याच्या कचाट्यात सापडला आहे. त्यांचे वकील प्रशांत पाटील हे त्यांच्या बाजूने केस लढवत आहेत. तसेच या प्रकरणांमध्ये राजवर कारवाई करणं चुकीचं आहे असे देखील त्यांनी म्हंटले. पण आता राजने केलेल्या पोस्टमुळे सर्वांचेच लक्ष वेधले आहे. त्यांनी आपल्या पोस्टमध्ये एका वाघाचा फोटो लावला आहे. तसेच त्याने लिहिले की, “जेव्हा तुम्हाला अपमानित झाल्यासारखे वाटेल तेव्हा शांत रहायला शिका. ही एक वेगळ्या प्रकारची प्रगती आहे”.
शिल्पाने आतापर्यंत या सर्व प्रकरणावर अद्याप कोणतीही प्रतिक्रिया दिलेली नाही. गुरुवारी इडीच्या कारवाईनंतर ती तिच्या आईच्या घरी जाताना दिसली होती. दरम्यान राजवर झालेल्या कारवाईनंतर त्याच्या वकिलांचे एक स्टेटमेंट सोशल मीडियावर मोठ्या प्रमाणात व्हायरल झाले आहे. त्यामध्ये ते म्हणाले की, “आम्ही कायद्याच्या चौकटीत राहून आदेशाचे पालन करत आहोत. माझ्या अशिलाचे स्वातंत्र्य व संपत्तीच्या रक्षणासाठी मनी लॉंड्रिंग कायद्याअंतर्गत योग्य पावले आम्ही उचलू. मात्र आधी माझे अशिल राज कुंद्रा व शिल्पा शेट्टी यांच्या विरोधात कोणतीही कारवाई होऊ शकत नाही”.
पुढे ते म्हणाले की, “आम्हाला न्यायव्यवस्थेवर पूर्ण विश्वास आहे. आम्ही जेव्हा इडीसमोर जेव्हा आमचे म्हणणे मांडू तेव्हा तपास करणाऱ्या यंत्रणादेखील आम्हाला न्याय देतील. आमचा निष्पक्षपातीपणे केलेल्या तपासणीवर पूर्ण विश्वास आहे. गरज पडल्यास आम्ही अधिकाऱ्यांना पूर्ण सहकार्य करु”.
राज कुंद्रा विरोधात आताकोणती कारवाई केली जाणार आणि या सगळ्याशी राज व शिल्पा कसा सामना करणार याबद्दल आता सर्वच स्तरात चर्चा सुरु आहे.