‘बिग बॉस’च्या सातव्या सीझनमधून लोकप्रिय झालेली अभिनेत्री तनिषा मुखर्जी ही सतत चर्चेत असते. बॉलिवूड अभिनेत्री काजोलची ही लहान बहीण आहे. अभिनयाचा वारसा असला तरीही आतापर्यंत तिला हवे तसे यश मिळू शकले नाही. २००३ साली तिने आपल्या करियरची सुरुवात केली. या चिटपटाचे चित्रकरण करत असताना तिच्याबाबतील एक भयंकर प्रसंग घडला होता. ज्याबद्दल तिने दिलखुलासपणे सांगितले आहे. हा प्रसंग सांगताना तिला खूप वाईट अनुभव आल्याचेही सांगितले होते. (tanishaa mukerji accident)
तनिषाने २००३ साली ‘Sssshhh…’ या चित्रपटातून अभिनयक्षेत्रामध्ये पाऊल ठेवले. यावेळी तिच्याबाबत एक प्रसंग घडला. ज्याबद्दल ती व्यक्त झाली आहे. काही दिवसांपूर्वीच तिने सिद्धार्थ कननला मुलाखत दिली होती. यामध्ये तिने पहिल्या चित्रपटाच्या चित्रीकरणादरम्यान अपघात झाल्याचे सांगितले. हा अपघात इतका भयानक होता की गंभीर दुखापत होऊन ती बेशुद्ध झाली.पहिल्या चित्रपटाच्या वेळी तनिषाचा अपघात झाला होता आणि त्यावेळी जखमी होऊन ती कोमामध्ये गेली होती. तिची अवस्था बघून आई तनुजा यांना वाटले की मृत्यू झाला आहे.
याबद्दल तिने सांगितले की, “पहिल्या चित्रपटाचे चित्रीकरण करताना माझा अपघात झाला होता. गंभीर दुखापत होऊन मी बेशुद्ध झाले होते. माझा मृत्यू झाला असे माझ्या आईलाही वाटले. त्यावेळच्या काही गोष्टी मी विसरले आहे. त्यावेळी मी पुढे काम करु शकणार नाही असे डॉक्टरांनी सांगितले होते. चित्रपटाचे शूटिंग पूर्ण करावे असे चित्रपटाच्या दिग्दर्शकांचे म्हणणे होते. तसेच जर तनिषाला काम करणे जमणार नसेल तर तिला या चित्रपटामध्ये काम करता येणार नाही असेही दिग्दर्शक म्हणाले. त्यामुळे डोक्याला सूज असतानादेखील मी हा चित्रपट पूर्ण केला होता”.
या चित्रपटानंतर तिने ‘नील अँड निक्की’, ‘सरकार’, ‘टँगो चार्ली’ सारख्या चित्रपटांमध्ये काम केले आहे. ती ‘बिग बॉस’ च्या सातव्या सीझनमध्ये दिसून आली होती. या शोमध्ये अरमान कोहलीबरोबर तिच्या अफेअरच्या चर्चा सुरु झाल्या होत्या. पण त्यांचे नाते अधिक काळ टिकू शकले नाही. तिच्या कामावडदळ बोलायचे झाले तर २०२१ साली ती ‘कोड नेम अब्दुल’ या चित्रपटात दिसून आली होती.
