Aishwarya Rai updates : बॉलिवूड अभिनेत्री ऐश्वर्या राय बच्चन नुकतीच मुंबई विमानतळावर दिसली, जिथे ती तिची मुलगी आराध्या बच्चनला रिसीव्ह करण्यासाठी आली होती. आराध्या तिच्या शाळेच्या उन्हाळ्याच्या सुट्टीतील टूरवरून परतत होती. हा सुंदर क्षण कॅमेऱ्यात कैद झाला आणि काही वेळातच तो सोशल मीडियावर व्हायरल झाला. अलीकडेच, एका अभिनेत्रीच्या फॅन पेजने एक व्हिडीओ शेअर केला आहे, ज्यामध्ये ऐश्वर्या राय बच्चन तिची मुलगी आराध्या बच्चनचे विमानतळावर स्वागत करताना दिसत आहे. आराध्या तिच्या शाळेच्या उन्हाळ्याच्या सुट्टीतील सहलीवरून परतली होती आणि ही भेट एका भावनिक क्षणात बदलली. आई आणि मुलगी दोघांनीही एकमेकांना मिठी मारली. यादरम्यान, एअरपोर्टमधून बाहेर येताच ऐश्वर्या आराध्याची प्रतिक्रिया व्हिडीओमध्ये टिपताना दिसली.
आईला पाहून आराध्या खूप उत्साहित दिसत होती, तर तिने आनंदाने तिच्या मित्रांसोबत फोटोही क्लिक केले होते. हा व्हिडीओ सोशल मीडियावर मोठ्या प्रमाणात व्हायरल होत आहे. चाहत्यांना तो खूप आवडला आहे. एका यूजरने “आई ही आई असते”, अशी कमेंट केली आहे. तर दुसऱ्याने लिहिले, “जगातील सर्वोत्तम आई”. दुसऱ्या एका चाहत्याने लिहिले, “डाउन टू अर्थ लेडी”. बॉलीवूडचे पॉवर कपल ऐश्वर्या राय बच्चन आणि अभिषेक बच्चन यांनी काल, 20 एप्रिल रोजी त्यांच्या लग्नाचा 19 वा वाढदिवस साजरा केला. दोघांनी २००७ साली लग्न केले. मुंबईतील बच्चन कुटुंबाच्या ‘प्रतीक्षा’ या निवासस्थानी हा भव्य विवाहसोहळा पार पडला.
आणखी वाचा – “सुपारी फुटली, लग्न ठरलं” सुप्रसिद्ध अभिनेत्री-अभिनेता अडकणार लग्नबंधनात; सोशल मीडियावर VIDEO VIRAL
वर्धापन दिनाच्या विशेष प्रसंगी, ऐश्वर्या रायने इन्स्टाग्रामवर सेलिब्रेशनच्या काही सुंदर झलक शेअर केल्या, ज्यामध्ये तिची मुलगी आराध्या बच्चन देखील दिसली. कुटुंबाने एकत्र सेल्फी काढले, जिथे प्रत्येकजण एक सुंदर पुष्पगुच्छ धरलेला दिसत होता.
आणखी वाचा – कॅन्सर सर्जरीनंतर दीपिका कक्करची तब्येत पुन्हा बिघडली, दुसऱ्यांदा झाला हा आजार, लेकाची वाटतेय काळजी
यावेळी ऐश्वर्या पांढऱ्या रंगाच्या आउटफिटमध्ये खूपच सुंदर दिसत होती. निळ्या रंगाच्या ब्लेझरमध्ये अभिषेक बच्चन खूपच डॅशिंग दिसत होता आणि या जोडप्याची लाडकी मुलगी आराध्या देखील खूप सुंदर दिसत होती. चाहत्यांसोबतच सेलिब्रिटींनीही तिच्या या फोटोंवर प्रेमाचा वर्षाव केला. काजोलने हार्ट इमोजी पाठवले. दिव्या दत्ता आणि नीना गुप्ता यांनीही या जोडप्याचे अभिनंदन केले.
