लहान पडद्यावरील प्रसिद्ध अभिनेत्री गौहर खान ही तिच्या नृत्य व अभिनयामुळे नेहमीच चर्चेत असते. ‘फेमिना मिस इंडिया’च्या माध्यमातून तिने २००२ साली या क्षेत्रात पदार्पण केले. त्यानंतर ‘हवा मे उडता जाये’ या गाण्यामधून ती प्रेक्षकांच्या समोर आली आणि तिने त्यांच्या हृदयात स्थान मिळवले. त्यानंतर ती गाण्यांमध्ये दिसून आली. तिच्या सर्व गाण्यांची प्रशंसा करण्यात आली. त्यानंतर तिने झैद दरबार दरबारबरोबर २०२० साली लग्नबंधनात अडकली. दोघांना एक मुलगाही आहे. गौहर व झैद हे दोघेही उत्तम नृत्य करतात. ते सोशल मीडियाच्या माध्यामातून नेहमी चाहत्यांच्या संपर्कात असतात. पण आता नुकताच गौहरचा एक व्हिडीओ व्हायरल होत आहे ज्यामध्ये ती रडताना दिसत आहे. (actress Gauhar khan crying video)
गौहर व झैद हे दोघेही खूप फिरताना दिसतात. त्यांच्याबरोबर त्यांचा १० महिन्याचा मुलगाही दिसतो. ते आता एकत्रित पाहिल्यांदाच उमरा करण्यासाठी सौदी अरेबीया येथे पोहोचले आहेत. ते सध्या मदिनामध्ये असून तीर्थयात्रा पूर्ण करण्यासाठी मक्का येथे जातील. गौहरने आतापर्यंत या यात्रेचे सर्व फोटो व व्हिडीओ सोशल मीडियावर शेअर केले आहेत. सध्या व्हायरल झालेल्या व्हिडीओमध्ये १० महिन्याच्या जेहानबरोबर पहिल्यांदाच ‘मस्जिद अल नवाबी’ येथे फिरताना दिसत आहेत. तेथे तीर्थस्थान व आपल्या मुलाकडे बघून गौहर खान रडत असल्याचे दिसून आले आहे.
त्यांनी याबाबत सोशल मीडियावर पोस्ट करत लिहिले आहे की, “जेव्हा तुम्ही इथे येता तेव्हा तुमच्या भावना जागृत होतात. तुम्ही कितीही वेळा गेलात तरीही हे फक्त तुमच्यातील भावना तुमच्या मनातून येते. पण तुम्ही जेव्हा तुमच्या मुलाला पहिल्यांदा मस्जिद अल नवाबीमध्ये हात हलवताना बघाल तेव्हा मात्र ही भावना शब्दांत सांगता येत नाही. सुभान अल्लाह”, हा काळजाला भिडणारा व्हिडीओ सोशल मीडियावर प्रचंड व्हायरल होत असून त्यावर खूप लाईक्स व प्रतिक्रिया आल्या आहेत.
गौहरची ही मदिनाची दुसरी तीर्थयात्रा आहे. यावेळी त्यांच्याबरोबर त्यांचा मुलगाही आहे. जेहानचा जन्म १० मे २०२३ रोजी झाला होता.
