Bigg Boss 17 Latest News : ‘बिग बॉस १७’ चा ग्रँड फिनाले जसजसा जवळ येत आहे तशी प्रेक्षकांची उत्सुकता वाढलेली पाहायला मिळत आहे. ‘बिग बॉस’च्या घरात स्पर्धकांमधील खेळ अधिकच रंजक झाला आहे. या शोमधील विकी जैन व अंकिता लोखंडे हे कपल या शोचे मुख्य आकर्षण ठरले आहेत. ‘बिग बॉस’च्या घरात आल्यापासून ही जोडी नेहमीच चर्चेत राहिली. या जोडीने या शोमध्ये एंट्री केल्यापासून त्यांच्यात वाद सुरु असलेला पाहायला मिळाला. सध्या ‘बिग बॉस’च्या घरात फॅमिली वीक सुरु असलेला पाहायला मिळत आहे.
या फॅमिली वीकमध्ये ‘बिग बॉस’च्या घरात विकी जैन व अंकिता लोखंडे यांच्या आईंनी हजेरी लावली होती. कौटुंबिक आठवडा असल्याने, अंकिता व विकी यांची आई श्वेता लोखंडे व रंजना जैन यांनी घरात प्रवेश केला होता. यावेळी त्यांनी अंकिता व विकी यांना त्यांच्या नातेसंबंधावर लक्ष केंद्रित करण्यासाठी व काम करण्यासाठी मार्गदर्शन केले.
अंकिता लोखंडे व विकी जैन यांच्या नात्याबद्दल अधिक जाणून घेण्यासाठी ‘पिंकविला’ने विकीची आई रंजना जैन यांच्याशी संवाद साधला. नुकत्याच झालेल्या एका एपिसोडमध्ये, अंकिताने असं नमूद केले होते की तिला खूप लवकर निर्णय घेतल्याबद्दल पश्चाताप होत आहे. अंकिताने विकीबरोबरच्या लग्नाचे संकेत दिल्याने तिला त्याच्याशी लग्न केल्याचा पश्चाताप होत असल्याचं समोर आलं.
‘पिंकविला’ने विकी जैनची आई रंजना जैन यांना अंकिताच्या या वक्तव्याबद्दल विचारले असता, त्या म्हणाल्या, “अंकिताशी लग्न करणं हा विकीचा निर्णय होता. आमचा त्यांच्या लग्नाला पाठिंबा नव्हता. लग्नाचा निर्णय हा सर्वस्वी त्याचा होता, हे लग्न त्याला टिकवायचं आहे त्यामुळे त्यांच्या नात्याबद्दल आम्हाला काहीही देणंघेणं नाही. टीव्हीवर आम्ही सगळ्या गोष्टी पाहतो तरीही दोघांना काहीच बोलत नाही. ‘बिग बॉस’ संपल्यावर त्या दोघांचं नातं सुधारण्यासाठी विकी प्रयत्न करेल असा मला विश्वास आहे. विकी-अंकिताने आता गेमपेक्षा जास्त त्यांच्या नात्यावर लक्ष दिलं पाहिजे असं मला वाटतं. त्यांच्यामधील भांडणं सगळ्यांनीच पाहिली पण, आता त्या दोघांचं प्रेम सगळ्यांना दिसलं पाहिजे. तेव्हाच त्यांच्या नात्यावर लोकांना विश्वास बसेल” असं रंजना जैन यांनी सांगितलं.
