‘बिग बॉस १७’ या रिऍलिटी शोने प्रेक्षकांच्या मनावर अधिराज्य गाजवलं. काही दिवसांपूर्वीच या शोचा फिनाले संपन्न झाला. या शोच्या फिनालेमध्ये सुप्रसिद्ध कॉमेडियन मुन्नवर फारुकीने ‘बिग बॉस’च्या ट्रॉफीवर नाव कोरले. ‘बिग बॉस’च्या या पर्वात उपविजेतेपदावर अभिषेक कुमार होता. मुनव्वर फारुकी, अंकिता लोखंडे, मन्नारा चोप्रा, अभिषेक कुमार, अरुण माशेट्टी हे स्पर्धक यंदाच्या पर्वाचे फायनालिस्ट होते. या पाचही स्पर्धकांमध्ये अगदी अटीतटीचा सामना पाहायला मिळाला. अखेर मुनव्वरने विजेतेपदाचा मान पटकावला. (Bigg Boss 17 Success Party)
‘बिग बॉस १७’चा सीझन यशस्वी ठरला. निर्माते याबद्दल खूप आनंदी असल्याचं पाहायला मिळत आहे. त्यानिमित्त भव्य अशा सक्सेस पार्टीचे आयोजनही करण्यात आले होते. या पार्टीदरम्यान ‘बिग बॉस १७’ चे सर्व स्पर्धक पोहोचले होते. त्याच्या या पार्टीमधील लूक मोठ्या प्रमाणात व्हायरल होत आहेत. साऱ्या स्पर्धकांचे हे खास लूक प्रेक्षकांच्या पसंतीस पडत आहेत. यावेळी फक्त ‘बिग बॉस’ स्टारच नाही तर अरबाज खानही आपल्या नववधूसह पोहोचला होता.
‘बिग बॉस १७’च्या स्पर्धकांच्या रियुनियन पार्टीचे अनेक व्हिडीओ, फोटो समोर आले आहेत. यावेळी स्पर्धकांनी एकत्र येत केक कट केला असल्याचं पाहायला मिळालं. शिवाय सगळेच स्पर्धक मोठ्या दिमाखात या पार्टीत थिरकतानाही पाहायला मिळाले. मुन्नवर फारुकीने डोक्यावर बॉटल घेऊन डान्स केला तर अंकिता व विकीच्याही डान्स व्हिडीओने साऱ्यांचं लक्ष वेधून घेतलं. तर मन्नारा चोप्राही अंकितासह थिरकताना दिसली.
‘बिग बॉस १७’च्या या सक्सेस पार्टीचे अनेक व्हिडीओ समोर आले. या पार्टीत इतरही सर्व स्पर्धक एन्जॉय करताना पाहायाला मिळाले. धमाल मस्ती करतानाचे व हटके कपडे परिधान करत काढलेले हे फोटो, व्हिडीओ चांगलेच व्हायरल होतं आहेत.