राजकुमार हिरानी दिग्दर्शित ‘डंकी’ हा डिसेंबर २०२३ मध्ये प्रदर्शित झाला होता. गेल्या वर्षी शाहरुख खानने ‘पठाण’, ‘जवान’ आणि ‘डंकी’ असे तीन चित्रपट केले. या सर्व चित्रपटांनी केवळ बॉक्स ऑफिसवर चांगली कमाई केली. तर ‘पठाण’ आणि ‘जवान’ हे चित्रपट ओटीटीवरही चांगलेच गाजले. मात्र, त्याच्या या तीन चित्रपटांपैकी ‘डंकी’ हा चित्रपट अजूनही ओटीटीवर आला नाही. चित्रपटगृहांमध्ये या चित्रपटाने धुमाकूळ घातल्यानंतर आता शाहरुखचे अनेक चाहते या चित्रपटाच्या ओटीटी प्रदर्शनाची आतुरतेने वाट पाहत आहेत.
अशातच चाहत्यांसाठी एक आनंदाची बातमी समोर येत आहे. शाहरुखचा डंकी’ हा चित्रपट लवकरच जिओ सिनेमा या ओटीटी माध्यमावर प्रदर्शित होणार आहे. काही मीडिया रिपोर्टनुसार, चित्रपटाचे ओटीटी अधिकार जिओ सिनेमाला देण्यात आले आहेत. त्यामुळे ‘डंकी’ हा चित्रपट येत्या १६ फेब्रुवारीला ओटीटी माध्यमावर प्रदर्शित होणार आहे. अर्थात, निर्मात्यांनी अद्याप याबाबत अजून काही अधिकृत घोषणा केलेली नाही.
आणखी वाचा – “हिला अभिनय जमत नाही”, ‘त्या’ व्यक्तीने तेजश्री प्रधानला हिणावलं, म्हणाला, “पूर्ण कॉपी…”
या चित्रपटात शाहरुख खानने हार्डी नावाच्या मुलाची मुख्य भूमिका साकारली होती. किंग खान व्यतिरिक्त या चित्रपटात तापसी पन्नू, विकी कौशल, बोमन इराणी, विक्रम कोचर आणि अनिल ग्रोव्हर यांच्याही महत्त्वाच्या भूमिका होत्या. डंकीचे दिग्दर्शक राजकुमार हिरानी यांनी चित्रपटाची कथा लिहिली असून दिग्दर्शनही त्यांनीच केले आहे.
आणखी वाचा – असा होता भारतीच्या मुलाचा शाळेचा पहिला दिवस, अमिताभ बच्चन यांचे घरही दाखवले अन्…; खास व्हिडीओ केला शेअर
दरम्यान, डंकी या चित्रपटाने बॉक्स ऑफिसवर चांगली कमाई केली होती. जागतिक बॉक्स ऑफिसवर या चित्रपटाने जवळपास ५०० कोटींची कमाई केली. अशातच आता हा चित्रपट ओटीटीवरही मनोरंजन करायला सज्ज होणार आहे. त्यामुळे अनेक चाहत्यांना शाहरुखच्या ‘डंकी’ चित्रपटाच्या ओटीटी प्रदर्शनाची उत्सुकता लागली आहे.
