Pooja-Soham New Home : मराठी सिनेसृष्टीतील लोकप्रिय कुटुंबांपैकी एक असलेल्या बांदेकर कुटुंबात नुकताच आनंदाचा सोहळा पार पडला. अभिनेता आदेश बांदेकर आणि सुचित्रा बांदेकर यांचा मुलगा सोहम बांदेकर याने अभिनेत्री पूजा बिरारीसह लग्नगाठ बांधत नव्या आयुष्याची सुरुवात केली आहे. त्यांच्या लग्नाचे फोटो आणि व्हिडीओ सोशल मीडियावर मोठ्या प्रमाणात व्हायरल झाले होते. मात्र, लग्नानंतर अवघ्या काही दिवसांतच पूजा आणि सोहमबाबत एक नवी चर्चा रंगू लागली आहे.
लग्नानंतर पूजा-सोहम दोघेही वेगळा संसार थाटणार असल्याचं बोललं जात आहे. या चर्चांना कारण ठरला आहे त्यांनी नुकताच शेअर केलेला एक खास फोटो. या फोटोमध्ये पूजा आणि सोहम यांच्या हातात नव्या घराची चावी दिसत असून, दोघांनी मिळून स्वतःचं घर घेतल्याचं स्पष्ट होत आहे. हा फोटो शेअर होताच चाहत्यांनी त्यांना नव्या घरासाठी शुभेच्छा दिल्या आहेत. नवं घर, हातात चावी आणि चेहऱ्यावर आनंद या फोटोमुळे अनेकांनी अंदाज लावायला सुरुवात केली आहे की, लग्नानंतर लगेचच पूजा आणि सोहम स्वतंत्रपणे राहणार आहेत का? याच विषयावर सध्या सोशल मीडियावर जोरदार चर्चा होताना दिसत आहे.
आणखी वाचा – दोन मराठमोळ्या अभिनेत्रींचा साखरपुडा, एकीने थाटामाटात तर एकीने गुपचूप उरकला सोहळा, फोटो समोर
काही जण या निर्णयाचं कौतुक करत आहेत, तर काही जणांना यामागचं नेमकं कारण जाणून घ्यायची उत्सुकता लागली आहे. आजच्या पिढीतील अनेक कलाकार लग्नानंतर स्वतंत्र आयुष्याची वाट निवडताना दिसतात. तर आता पूजा आणि सोहम यांनीही आपल्या वैयक्तिक आयुष्याचा नवा अध्याय सुरु करण्याचा निर्णय घेतल्याचं बोललं जात आहे. मात्र, यावर अद्याप दोघांकडून कोणतीही प्रतिक्रिया समोर आलेली नाही. दरम्यान, लग्नानंतर पूजा आणि सोहमचा हा नवा टप्पा त्यांच्या चाहत्यांसाठी नक्कीच चर्चेचा विषय ठरत आहे. आता हे दोघं आपल्या नव्या घरात कधी प्रवेश करणार? आणि त्यांच्या संसाराची सुरुवात कशी होणार?, याकडे सगळ्यांचं लक्ष वेधलं आहे.
आणखी वाचा – “मी कोणत्या मनस्थितीत आहे…” वडिलांना दोन महिने होताच प्रार्थना बेहेरे व्यक्त; म्हणाली, “हे दुःख…”
