Marathi Actress Engangement : मराठी सिनेसृष्टीत सध्या लगीनघाई सुरु असल्याचं पाहायला मिळत आहे. एकामागोमाग एक कलाकार मंडळी लग्नबंधनात अडकताना पाहायला मिळाली. काहींनी लग्नाची सुखद बातमी दिली तर काहींनी साखरपुडा समारंभ उरकला. अशातच आता मराठी मालिकाविश्वातील दोन अभिनेत्रींनीं साखरपुडा समारंभ उरकत लवकरच लग्नगाठ बांधणार असल्याची गुडन्यूज दिली. या अभिनेत्री म्हणजे गायत्री दातार आणि रुमानी खरे. गायत्री दातार व रुमानी खरे यांनी थेट साखरपुड्याचे फोटो शेअर एंगेज असल्याचं घोषित केलं. दरम्यान, रुमानीने अगदी थाटामाटात आणि पारंपरिक अंदाजात साखरपुडा समारंभ उरकला. तर गायत्रीने फक्त साखरपुड्याची अंगठी दाखवत साखरपुडा झाल्याचं सांगितलं.
गायत्रीने साखरपुडा झाल्याची बातमी इन्स्टाग्रामवर पोस्ट करुन दिली. गायत्रीने स्वतः ही गुड न्यूज चाहत्यांबरोबर शेअर केली. गायत्रीने इन्स्टाग्रामवर दोन फोटो पोस्ट केले आहेत. पहिल्या फोटोत ती तिच्या होणाऱ्या पतीबरोबर दिसत असून दोघेही एकमेकांकडे बघत आहेत, त्यामुळे त्यात त्याचा चेहरा स्पष्ट दिसत नव्हता. तर दुसऱ्या फोटोत गायत्रीने हाताचा फोटो पोस्ट केला आहे. त्यात तिच्या बोटात अंगठी दिसत आहे.
A post shared by Gaytri Pradip Datar (@gayatridatarofficial)
गायत्री दातारने हे दोन्ही फोटो एक सुंदर कॅप्शन देत शेअर केले. “माझ्या आयुष्यात हिरोची एंट्री झाली आहे. माझ्या आयुष्यातील सर्वात बेस्ट दिवसातील काही क्षण तुमच्याबरोबर शेअर करताना मला खूप आनंद होत आहे. ११.१२.२०२५,” असं कॅप्शन गायत्रीने या फोटोंना दिलं आहे. गायत्रीने इंगेज्ड आणि आय सेड येस, ब्राइड टू बी असे हॅशटॅग दिले आहेत. त्यावरुन गायत्री लवकरच बॉयफ्रेंडशी लग्न करणार असं दिसतंय.
तर सिनेविश्वातील प्रसिद्ध कवी व गीतकार संदीप खरे यांची लेक रुमानी खरेचा साखरपुडा समारंभ उरकला. रुमानीने ‘तू तेव्हा तशी’ या मालिकेद्वारे अभिनय क्षेत्रात पदार्पण केलं होतं. आता संदीप खरेंची लाडकी कन्या लवकरच बोहल्यावर चढणार आहे. १३ डिसेंबरला रुमानीचा साखरपुडा थाटामाटात पार पडला आहे. रुमानीने लोकप्रिय अभिनेता स्तवन शिंदेसह साखरपुडा केला आहे.
