Bigg Boss 17 Latest News : ‘बिग बॉस १७’चा फिनाले अवघ्या एका दिवसाच्या अंतरावर आहे. सर्वच चाहते या फिनालेची आतुरतेने वाट पाहताना दिसत आहेत. सोशल मीडियावरही सर्वत्र या रिऍलिटी शोची चर्चा सुरु असलेली पाहायला मिळत आहे. ‘बिग बॉस १७’च्या फिनालेमध्ये अंकिता लोखंडे, मुन्नवर फारुकी, मन्नारा चोप्रा, अभिषेक कुमार, अरुण माशेट्टी हे स्पर्धक पोहोचले आहेत. साऱ्या स्पर्धकांनी उत्तम खेळी खेळत या शोचा फिनाले पर्यंतचा प्रवास पार केला आहे.
प्रेक्षकांसह अनेक कलाकार मंडळीही या स्पर्धकांना पाठिंबा दर्शविताना दिसत आहेत. अशातच ‘बिग बॉस’च्या घरात कलाकारांना पाठिंबा देण्यासाठी सिनेसृष्टीतील कलाकार मंडळींनी हजेरी लावलेली पाहायला मिळाली. अशातच ‘पवित्र रिश्ता’पासून अंकिताने तिचा खूप मोठा चाहतावर्ग कमावल्याने ती बिग बॉसची ट्रॉफी घरी घेऊन जाऊ शकते, अशी शक्यता वर्तवली जात आहे. या दरम्यान अंकिताला पाठिंबा देण्यासाठी तिची जवळची मैत्रीण व लोकप्रिय मराठी अभिनेत्री अमृता खानविलकर पोहोचली आहे.
Promo #BiggBoss17 Trophy revealed, aur Celebrity guests ne diya #MunawarFaruqui #AbhishekKumar #AnkitaLokhande ko feedback pic.twitter.com/kAXdd4Oifk
— The Khabri (@TheKhabriTweets) January 26, 2024
‘द खबरी’ या पोर्टलने शेअर केलेल्या व्हिडीओमध्ये अमृताचा अंकितासाठीचा पाठिंबा पाहायला मिळत आहे. अमृताला पाहून अंकिता भावूक झालेली पाहायला मिळाली. ‘बिग बॉस’सुरु झाल्यापासून अमृता अंकिताच्या मागे उभी होती. वेळोवेळी तिची खेळी पाहता अमृता तिला प्रोत्साहन देणाऱ्या पोस्टही शेअर करताना दिसली. अंकिताच ट्रॉफी जिंकेल असा विश्वासही अमृताला आहे. आता ती ‘बिग बॉस १७’च्या घरात लाडक्या मैत्रिणीला पाठिंबा देण्यासाठी आली आहे.
समोर आलेल्या व्हिडीओमध्ये अमृता अंकिताला असं बोलताना दिसत आहे की, “जेवढी अंकिता ‘बिग बॉस’च्या घरात रडली आहे तेवढी मी व माझी आई बसून रडलो आहोत” असं म्हणत अंकिता व अमृता दोघींनाही अश्रू अनावर झाले. दरम्यान याआधी अंकिताला पाठिंबा देण्यासाठी अभिनेत्री रश्मी देसाई येईल, असे बोललं जात होतं. मात्र शेवटच्या क्षणी तिचे येणे रद्द झाले असून अमृता BB17 मध्ये सहभागी झाली.
